Выратавальнікі завіталі да целяханскіх школьнікаў -

Ва ўстановах адукацыі Івацэвіччыны праходзяць мерапрыемствы другога этапу рэспубліканскай акцыі “У цэнтры ўвагі – дзеці!” Так, першы намеснік начальніка Івацэвіцкага райаддзела па НС Віталій Дыдышка і інспектар прапаганды і ўзаемадзеяння з грамадскасцю Валерый Молаш правялі “Урокі бяспекі” для вучняў малодшых класаў ДУА “Целяханская СШ”.

У ходзе гэтых сустрэч са школьнікамі прадстаўнікі раённай службы выратавання вялі гаворку не толькі аб вогненай небяспецы. Варта адзначыць, што малога чалавечка небяспечныя абставіны падпільноўваюць ледзь ці не на кожным кроку.

Многа гаварылася і аб паводзінах школьнікаў у выпадку ўзнікнення пажару, аб правілах выкліку выратавальнікаў. Хлопчыкі і дзяўчынкі былі актыўнымі ўдзельнікамі і конкурсу загадак, і супроцьпажарный віктарыны. Кожны, хто здолеў вызначыцца пад час гульняў сваімі ведамі асноў бяспечнасці жыццядзейнасці, чакаў падарунак. А вось павучальную, маляўнічую казку “Прыгоды Дашы ў краіне небяспек” атрымалі ўсе.

Выратавальнікі робяць усё магчымае, каб пажараў і іншых надзвычайных здарэнняў, што адбываюцца па віне альбо з удзелам малых дзяцей было як мага меней.