Пажарны рэйд прайшоў у Косаве – аглядалі скляпенні, печы і гарышчы -

Адпаведна запланаваным мерапрыемствам рэспубліканскай пажарна-прафілактычнай акцыі “За бяспеку разам”, накіраваную на папярэджанне пажараў і гібелі ад іх людзей у жыллі інжынер ІНіП Івацэвіцкага райаддзела па НС Арцём Кульгавеня і інспектар ІНіП райаддзела па НС Віталь Пархомік правялі рэйд супроцьпажарнага стану жылах дамоў ДП “Івацэвіцкая ЖКГ”, якія знаходзяцца ў г. Косава.

Падчас прафілактычнага рэйду ўвага прадстаўнікоў раённай службы выратавання ў першую чаргу была сканцэнтравана на бяспечным, спраўным стане прыбораў ацяплення. Большасць правяраемых жылых дамоў адна- ці двухкватэрныя і ў большасці з іх пячное абсталяванне. Не засталіся па-за ўвагай і дымаходы на гарышчы, іх цэласнасць і загрувашчанасць самога гарышча. Стан электраправодкі ў дамах-уласнасці ЖКГ таксама быў дэталёва агледзены, як і тыя электрабытавыя прыборы, якімі карыстаюцца кватэранаймальнікі.

У шматкватэрных дамах работнікі райаддзела па НС не прамінулі зазірнуць у падвалы і на гарышчы, цікавячыся не толькі пажарабяспечнасцю, але і магчымасцю пранікнуць туды пабочных асоб.

З усімі кватэранаймальнікамі былі дадаткова праведзены гутаркі аб захаванні патрабаванняў правіл пажарнай бяспекі ў ацяпляльны перыяд. Жыхары наведаных дамоў і кватэр атрымалі тэматычныя буклеты і памяткі.