Івацэвіцкі райвыканкам дазволіў паставіць помнік Касцюшку ў Косаве

Такое рашэнне было прынята пасля таго, як стала вядома, што Міністэрства культуры дало згоду ўстаноўку помніка, аб гэтым паведамляў “Першы Рэгіён”.

Ініцыятар устаноўкі помніка Тадэвушу Касцюшку на яго радзіме – вядомы журналіст Глеб Лабадзенка. Менавіта ён абвясціў праз інтэрнэт збор сродкаў на помнік, і неўзабаве грошы былі сабраныя. Сам помнік вырабляе вядомы беларускі скульптар Генік Лойка.

Такім чынам, для ўстаноўкі помніка атрыманыя асноўныя дазволы, падпісаў адпаведнае рашэнне і старшыня Івацэвіцкага райвыканкаму Аляксандр Грыцук.

Райвыканкам вырашыў:

1. Дазволіць грамадзяніну Лабадзенка Глебу Паўлавічу стварэнне і ўстаноўку помніка Т. Касцюшку ва ўрочышчы Марачоўшчына на тэрыторыі “Мемарыяльнага музея-сядзібы імя Тадэвуша Касцюшкі”
2. Аддзелу ідэалагічнай работы, культуры і па справах моладзі Івацэвіцкага раённага выканаўчага камітэта (Завадская С. В.) прыняць на баланс помнік, указаны ў пункце 1 дадзенага рашэння.
3. Кантроль за выкананнем дадзенага рашэння ўскласці на намесніка старшыні Івацэвіцкага райвыканкама Велікасельца А. Ф.

Помнік планавалася ўстанавіць на дзень народзінаў Тадэвуша Касцюшкі 4 лютага, аднак пакуль дарабляецца пастамент, таму, як распавёў Глеб Лабадзенка, тэрмін адносіцца на пару тыдняў.

Вось так будзе выглядаць помнік: