У Пружанах маліліся за паўстанцаў 1863 году і асвяцілі помнік

На нядзельную імшу прыбылі і высокія госці: генеральны консул Рэспублікі Польшча ў Брэсце Пётр Казакевіч.

Прысутныя памаліліся за паўстанцаў, якія загінулі ў бітвах і якія спачылі пазней. Як адзначыў ксёндз Вінцэнт Сяўрук, пробашч парафіі:

“Вялікая колькасць людзей з Пружаншчыны, з сем’яў прысутных прымала ўдзел у паўстанні. На пружанскіх могілках спачываюць вядомыя паўстанцы – Адольф Глебовіч, Кай Аладоўскі, Валенці Швыкоўскі, Юзаф Астроўскі, і іншыя, якіх мы пакуль не ведаем….”

У сваю чаргу, консул Пётр Казакевіч адзначыў важнасць гэтай падзеі ў год 100-годдзя Польскай Незалежнасці, бо адным з першых крокаў новай Польшчы было ўшанаванне паўстанцаў 1863-га году, якія паклалі жыццё “За нашу і вашу свабоду!”.

Пасля імшы на гарадскіх каталіцкіх могілках адбылос асвячэнне адноўленага помніку паўстанцу Юзафу Астроўскаму.