У Івацэвіцкім раёне выратавальнікі «палохалі» рыбакоў. Фота

Растае пакрысе і лёд на вадаёмах, становцца вадзяністым, крохкім, а колер з блакітнага ператвараецца ў лічаныя гадзіны ў жаўтавы альбо нават шэры. Дзіўна, што ні забароны, ні папярэджанні, ні тое ж раставанне лёду аніяк не насцярожвае, не пужае зімовых рыбакоў. Аматары падлёдавай рыбнай лоўлі пастаянна падвяргаюць сваё жыццё небяспецы. Тым не меней аб гэтай небяспецы мала хто задумваецца з аматараў падлёдавай лоўлі.

Каб хоць неяк паўздзейнічаць на свядомасць рыбакоў, перасцерагчы, івацэвіцкія выратавальнікі ў мінулыя выхадныя дні правялі рэйд-агляд вадаёмаў на тэрыторыі раёна. Фактычна на ўсіх рэчках і азёрах у тыя дні рыбачылі аматары зімовай рыбалкі: на рэчцы Грыўдзе паблізу райцэнтра і агр. Даманава, на абодвух Яглевіцкіх азёрах, на возеры “Чамялоўскае”, на сажалках “Журавец”, “Аброўскі”, “Горталь”, азёрах “Гошча”, “Вулькаўскае”, “Соміна”, “Выганаўскае” і “Бабровіцкае”: паўсюдна было не меней, за 12 чалавек.

На ўсіх вадаёмах былі праведзены замеры таўшчыні лёду, яна вагалася ад 11 да 17 см.  Разам з гэтым у большасці рыбакоў адсутнічалі сродкі выратавання: выратавальны безрукаўнік, выратавальны лінь, “выратавалкі” і іншае.  У адпаведнасці з патрабаваннямі бяспекі “Правіл аховы жыцця людзей на водах Рэспублікі Беларусь”  гэтыя патрабаванні носяць рэкамендацельны характар.

Пры наведванні азёраў “Выганаўскае” і “Бабровіцкае”, якія знаходзяцца ў гаспадарчым ведані ЛАГ “”Выганаўская” , з кіраўніком гаспадаркі была праведзена гутарка  аб неабходнасці нагадваць усім тым, хто набывае пуцёўкі для рыбалкі аб наяўнасці ў кожнага сродкаў выратавання.

Усе аматары падлёдавай рыбалкі атрымалі ад выратавальнікаў тэматычныя памяткі аб мерах засцярогі на лёдзе.

Читайте по теме:
Коварный лед: на водоемах Брестской области два человека утонули, еще троих удалось спасти