У музей "Пружанскі палацык" адбылося ўручэнне Мядовай літаратурнай прэміі за 2017 год. Сёлета яе атрымаў івацэвіцкі журналіст, пісьменнік Валер Гапееў. Прэмія заснавана пружанскім пчаляром-паэтом Міколай Папекам і Брэсцкім аддзяленнем Саюза беларускіх пісьменнікаў і ўяўляе сабой пуд мёду.
Мікола Папека абвясціў, што сёлета прэміяй уганароўваецца Валер Гапееў “за заўважныя літаратурныя дасягненні”.
Валер Гапееў – івацэвіцкі празаік, аўтар некалькіх кніг, сярод якіх аповесць “Ведзьміна тоня”, раманы “Ноч цмока”, “Праклён” ды іншыя.
Літаратар быў уганараваны літаратурнай прэміяй імя У. Калесніка, прэміяй часопіса “Дзеяслоў” “Залаты апостраф”.
“Вы ведаеце, чым гэта прэмія выключна адрозная ад любой іншай, нават самай прэстыжнай? А тым, што гэтай прэміяй вельмі прыемна дзяліцца з роднымі, сябрамі, калегамі,” – напісаў у сваім фэйсбуку Валер Гапееў уражанні ад атрыманай прэміі.
КОММЕНТАРИИ
ОБСУДИТЬ ПРАВИЛА КОММЕНТИРОВАНИЯ