Ідэя аднаўлення стадыёна належыць старшыні Бярозаўскага раённага Савета дэпутатаў мінулага склікання Мікалаю Чыжу і барысаўчанцы Алене Аўтушка. Алена нарадзілася ў вёсцы Альшэва Бярозаўскага раёна, вучылася ў Белаазёрскай школе, цяпер жыве ў Барысаве, але часта прыязджае да сваякоў у Бярозу.
“Для мяне самым важным у жыцці з’яўляецца сям’я, радня, сямейныя традыцыі, – кажа Алена Аўтушка, – малая радзіма заўсёды была часткай маёй душы, і мне заўсёды хацелася зрабіць што-небудзь важнае і карыснае для маіх землякоў. У мінулым годзе разам з Мікалаем Рыгоравічам Чыжом, які тады быў старшынём Савета дэпутатаў, мы прыдумалі праект аднаўлення зоны адпачынку ў мікрараёне «Паўночны гарадок». Бярозаўская адміністрацыя падтрымала ідэю. Фонд развіцця мясцовых супольнасцяў выдзеліў сродкі на набыццё абсталявання для дзіцячай пляцоўкі, выраб воркаута – пляцоўкі для гімнастычных і сілавых практыкаванняў, а таксама на матэрыялы для абнаўлення футбольнага поля, трыбунаў для гледачоў і хакейнай пляцоўкі. Будуць устаноўлены біятуалет і кантэйнеры для паасобнага збору смецця”.
Па словах А. Аўтушкі, на тэрыторыі стадыёна працы вядуцца ўжо з красавіка – выдаленая лішняя расліннасць, абноўлены газон, вывезена смецце, выдаленыя і адноўленыя металічныя канструкцыі. Асноўную арганізатарскую працу сярод валянцёраў вядзе дырэктар спартыўнай школы Аляксандр Палто. Валанцёры разлічваюць, што іх сілы памножацца за кошт далучэння многіх жыхароў горада .
Алена Аўтушка дадае, што 16 чэрвеня ў 10.00 на стадыёне пачнецца суботнік:
“Запрашаем усіх, хто любіць Бярозу. Асноўная праца, якую трэба будзе зрабіць у гэты дзень – афарбоўка трыбун і металічнага плота. Матэрыяламі і падручнымі сродкамі забяспечваюць арганізатары”.
Далучыцца да валанцёраў можна і ў групе “ўкантакце”:
КОММЕНТАРИИ
ОБСУДИТЬ ПРАВИЛА КОММЕНТИРОВАНИЯ