Загінулага на пажары жыхара Квасевічаў напярэдадні наведвалі ратавальнікі

Толькі за мінулыя выхадныя ў раене адбылося 4 пажары. Спіс ахвяр ад агню з пачатку года дапоўніў яўчэ адзін трагічны выпадак.

У ноч на 16 лістапада чарговая трагедыя адбылася ў Квасевічах. У драўляным уласным  доме загінуў жыхар 1959 г.н. Жыў адзін ва ўласнай хаце, нідзе не працаваў. Меў трэццю групу інваліднасці і жыу на сродкі, якія атрымлівау па інваліднасці. На прафілактычным ўліку ў ДУ “Івацэвіцкі ТЦСАН” і ў Квасевічскім сельвыканкаме не значыўся. Але, як кажуць суседзі, час ад часу меў слабасць да алкагалю. Да таго ж яшчэ і курыў, многа і часта.

Загінуўшага пры жыцці напярэдадні трагедыі наведвалі прадстаўнікі назіральнай камісіі, якая дзейнічае пры Квасевіцкім сельвыканкаме, а таксама прадстаўнікі райаддзела па НС. Але, на жаль, загінуўшы не паслухаў папярэджанняў…

У выніку пажару пашкоджаны памяшканні дома. Прычына трагедыі ўстанаўліваецца, але мяркуецца, што менавіта неахайнае курэнне загінуўшага выклікала пажар. Верагодна, ён быў у нецвярозым стане.

Раённая служба выратавання ў чарговы раз звяртаецца да жыхароў раёна: будзьце пільнымі і абачлівымі пры карыстанні з агнём і яго крыніцамі. Наступіў ацяпляльны перыяд, а таму даводзіцца паліць печы. Нагадваем вам сачыць за іх спраўнасцю і не пакідаць без нагляду.

Таксама сачыце за сваімі малалетнімі дзецьмі і ніколі не пакідайце іх занятак без увагі.

Будзьце больш лаяльнымі да сваіх родных і суседзяў, якія маюць схільнасць да злоўжывання спіртнымі напоямі і амаль не развітваюцца  з цыгаркай. Магчыма, ваша абачлівасць і насцярожанасць у адносінах да іх паспрыяюць уратаванню жыцця. Беражыце сябе і сваіх родных!

Віталь Дыдышка, в.а.начальніка Івацэвічскага РАНС