У Брэсце дырэктар стратнага прадпрыемства для атрымання крэдыту прадставіла ў банк падробленыя дакументы

Грашовыя сродкі былі атрыманыя, але выканаць свае абавязкі перад банкам па вяртанні крэдыту камерцыйная арганізацыя не змагла.

У дачыненні да дырэктара таварыства з абмежаванай адказнасцю па матэрыялах ўпраўлення Дэпартамента фінансавых расследаванняў (УДФР) Камітэта дзяржкантролю па Брэсцкай вобласці распачата крымінальная справа па частцы 2 артыкулу 237 КК (выманьванне крэдыту).

Супрацоўнкі УДФР даведаліся, што дырэктар прадпрыемства ў 2016 годзе прадставіла ў банк бухгалтарскі баланс па выніках працы за квартал, у якім фінансавыя вынікі былі падробленыя. Дзякуючы гэтым маніпуляцыям фактычна стратнае прадпрыемства выглядала плацежаздольным і атрымала крэдыт у суме 190 тысяч рублёў.

За аналагічнае злачынства ўзбуджана крымінальная справа і ў дачыненні да дырэктара брэсцкага прыватнага транспартнага ўнітарнага прадпрыемства.

Пры заключэнні двух крэдытных дамоваў на агульную суму амаль 450 тысяч рублёў ён схаваў ад банка факт адчужэння часткі перададзенай у заклад маёмасці (транспартных сродкаў), што прывяло да беспадстаўнага прадастаўлення крэдытаў і немагчымасці пагашэння запазычанасці, якая ў сувязі гэтым утварылася.