Моўны бар’ер на “ПР”: мініяцюра пра бусла ад Леаніда Дайнекі

На старонках сацыяльных сетак, чаго толькі не пабачыш. Але гэтая невялікая мініяцюра ад майстра слова, пісьменніка Леаніда Марцінавіча Дайнекі, якую ен прысвяціў сваім сябрам на Фэйсбуку, вельмі ўразіла.

Вы, паважаныя фрэнды і фрэндлэдзі, пэўна ж, ведаеце, што маленькіх дзяцей-немаўлят знаходзяць не ў капусце . Іх, немаўлятак гэтых, прыносяць у нашы вясковыя беларускія хаты буслы. Ляціць бусел, трымаючы ў дзюбе цудоўную пісклявую ношу, глядзіць зверху, выбірае багацейшую хату з прыгожым комінам, каб дэсантаваць у гэты комін немаўля.
І вось уявіце сабе такі малюнак. Па вясковай вуліцы што ёсць моцы імчыцца светлавалосы загарэлы хлапчук гадоў сямі-васьмі, крычыць на ўвесь голас :
– Мама! Мама! Хутчэй зачыняй у коміне юшку – бусел ляціць, зноў дзіця на прыпечак плясне!!!

Чытайце беларускіх пісьменнікаў. Мы будзем час ад часу спрабаваць пераадолець моўны бар’ер.