Новая для Брэста ідэя з’явілася дзякуючы вучню Гімназіі №1 Дзянісу Рабчуку, які стварыў валанцёрскую ініцыятыву #vershybrest і падаў сваю ідэю на конкурс у рамках Школы праектнага мэнэджэра, якая праводзіцца Агенцтвам рэгіянальнага развіцця “Дзедзіч”.
– Ідэя з’явілася нечакана, падчас шпацыру па Львову, дзе ўжо ёсць падобныя муралы. Тады я падумаў і вырашыў: “Трэба дзейнічаць”. Я напісаў невялікі праект “#vershybrest”, падаў яго на конкурс у межах “Школы праектнага мэнэджара” і перамог у ім. Атрымаў фінансаванне на маляванне трох вершаў, – распавядае аўтар валанцёрскай ініцыятывы #vershybrest Дзяніс Рабчук.
Акцыя атрымала падтрымку старшыні берасцейскага гарвыканкаму Аляксандра Рагачука. Вялікую дапамогу ў выбары месцаў для малюнкаў і ў аператыўным выкананні неабходных адміністрацыйных працэдур і дазволаў аказалі галоўны архітэктар Берасця Мікалай Уласюк і кіраўнік аддзела ідэалогіі Генадзь Іванчын.
Для малявання Дзяніс запрасіў мастачку Юлія Раманчук, якая ў канцы лістапада пачала працу над рэалізацыяй ініцыятывы. Першым быў напісаны верш Максіма Багдановіча, затым верш Генадзя Бураўкіна і напрыканцы – Ніны Мацяш.
Як распавёў Дзяніс Рабчук, на гэтым ініцыятыва не скончыцца. У бліжэйшы час плануецца запуск краўндфандынгавай кампаніі па зборы сродкаў на ўпрыгожванне вершамі беларускіх класікаў іншых дамоў у цэнтры горада. Актывісты плануюць намаляваць яшчэ два дзясяткі муралаў-вершаў.
Дарэчы, ужо зараз кожны берасцеец можа прапанаваць камандзе #vershybrest тыя вершы беларускіх класікаў, якія абавязкова павінны прачытаць жыхары і госці нашага гораду. Прапановы можна дасылаць на пошту: dzedzich.video@gmail.com ці ў асабістыя паведамленні ў Інстаграм ініцыятывы: @vershy.brest.
Сачыць за иніцыятывай можна ў “ВК” @vershybrest ці ў Інстаграме @vershy.brest. Адзначайце хэштэгам #vershybrest фотаздымкі на фоне муралаў з вершамі і прапануйце свае ідэі па пашырэнні ініцыятывы. Давайце разам зробім наш горад яшчэ больш прыгожым і цікавым.
Валанцёрская ініцыятыва #vershybrest рэалізавана ў межах “Школы праектнага мэнэджара” і пры падтрымцы АРР “Дзедзіч”.
Если вы регулярно пересекаете шенгенскую границу, в скором времени вас ждёт неожиданное нововведение. Оно уже…
Польского журналиста Кшиштофа Становского, который зарегистрировался кандидатом в президенты Польши и призывает не голосовать за…
Обычный строительный материал стал ключом к громкому делу с арестами, обысками и международным следом в…
Проект высокотехнологичного «умного» костюма Teslasuit, когда-то ставший символом амбиций беларусов в глобальной VR-индустрии, переживает очередной…
23 апреля 2025 года зрители увидели очередной душещипательный сюжет под заголовком: “литовские силовики выбросили избитого…
Гарвардский университет подал против администрации Дональда Трампа. Причина — заморозка 2,2 миллиарда долларов федеральных субсидий,…