У калгасе Ганцавіцкага раёна згніло некалькі дзясяткаў тон бульбы -

Некалькі буртоў, дзе захоўваўся ўраджай бульбы сельгаспрадпрыемтва “Дубнякі”, не выстаялі да вясны. Аб тым, што бульба згніла, паведаміла жанчына, якая пажадала не называць сваё прозвішча.

Каб праверыць інфармацыю, на месца, маршрут да якога падказала наша чытачка, выязджаў аўтар гэтага артыкула. Інфармацыя падцвердзілася. Дзясяткі тон бульбы, на вырошчванне якой пайшло немала сіл і сродкаў, прыйдзецца запісаць у страты.

Па словах дырэктара ААТ “Дубнякі” Сяргея Зяньковіча, на той час, калі закладалі бульбу ў бурты, ішлі моцныя дажды, што, верагодна, і стала прычынай загнівання. Па словах Сяргея Аляксандравіча, усяго на захоўванні знаходзілася каля 30 тон другога хлеба.

Колькі тон бульбы прапала, сказаць пакуль цяжка, бо некалькі буртоў знешне выглядаюць цэлымі. Але не трэба быць экспертам, каб сказаць, што большая частка ўраджаю, які тут захоўваўся, а гэта дзясяткі тон, згінула.

Нават калі бульбу рэалізавалі па 40 капеек за кілаграм, то выручылі б 8 тысяч рублёў. Яўна не лішнія грошы ў калгасе.

У калгасе Ганцавіцкага раёна згніло некалькі дзясяткаў тон бульбы