У Беларусі на афіцыйным узроўні Дзень Волі не адзначаецца. Затое незалежная грамадскасць традыцыйна ладзіла свае святкаванні. Але сёлета ці не ўпершыню за 30 гадоў, а на эміграцыі — упершыню за 70 мерапрыемствы адмененыя, паведамляе. З-за пагрозы каранавіруса.

Таму мяркуецца іх праводзіць у анлайн-фармаце.

А 18-й гадзіне прапануецца далучыцца да анлайн-свята «Годны Дзень Волі» з дапамогай тэлефонаў, камп’ютараў і тэлевізараў. Трансляцыя пачнецца а 18.00 на сайце Hodna.by і ва ўсіх сацыяльных сетках праекта.

Як самастойна адсвяткаваць Дзень Волі? Ёсць парачка ідэй ад арганізатараў:

• размясціць нацыянальныя сімвалы Беларусі на сваім балконе, у аўто, акне кватэры ці двары дома,
• павіншаваць з Днём Волі сяброў, родных і знаёмых у сацыяльных сетках, на працы ці ў навучальнай установе,
• увечары 25 сакавіка а 21:00 запусціць святочны феерверк,
• арганізаваць самастойнае адзначэнне Дня Волі ў сямейнай ці сяброўскай кампаніі (а анлайн-трансляцыя дадасць вашаму святкаванню адчуванне сувязі з усімі беларусамі, якія падтрымаюць гэты план, абяцаюць арганізатары).
  

А 20-й гадзіне Лявон Вольскі дасць анлайн-канцэрт.

У Брэсце на Дзень Волі адкрываецца фотавыстава

25 сакавіка ў дворыку Агенцтва рэгіянальнага развіцця “Дзедзіч” (Маякоўскага, 46/1) адкрыецца фотавыстава, якая пакажа жыццё Брэста і наваколіц напярэдадні абвяшчэння Беларускай Народнай Рэспублікі. Адкрыццё ў 18.00.

Падрабязней тут – У Брэсце на Дзень Волі адкрыюць фотавыставу, як выглядаў горад 100 год таму

Як святкавалі на Берасцейшчыне, калі не было каронавіруса

Некалькі фота з архіву “Першага Рэгіёну”, як святкавалі Дзень Волі на Берасцейшчыне ў 2015-2018 гадах.

У 2015 годзе ў Брэсце ўсклалі кветкі да магілы аднаго з заснавальнікаў Беларускай Народнай Рэспублікі Адама Трыпуса.

Каля універсітэту ў Брэсце раздавалі літаратуру пра гісторыю Беларускай Народнай Рэспублікі.

У 2016 годзе ў Брэсце сустрэліся каля магілы берасцейскага дзеяча БНР Адама Трыпуса.

У Бярозе ў 2016 годзе прайшоў пікет на Дзень Волі.

У Баранавічах у 2016 годзе на Дзень Волі сябры “Руху за Свабоду” раздавалі кветкі.

У 2017 годзе ў Брэсце ўлады дазволілі правядзенне шэсця на Дзень Волі.

У 2018 годзе ў Брэсце дазволілі канцэрт у гонар абвяшчэння БНР.

А ў Кобрыне ў 2018 годзе адбыўся пікет: