Субота21 лістапада
+1°Брэст · заўтра +1…+4°
$2,9943€3,291310 zł7,4496Курс НБРБ
Брэсцкія ўлады адказалі на прапанову пісьменнікаў пачаць дыялог з удзельнікамі пратэстаў

Брэсцкія ўлады адказалі на прапанову пісьменнікаў пачаць дыялог з удзельнікамі пратэстаў

11:40 19 кастрычніка 2020 ·
Замест гэтага літаратарам прапануюць абмяркоўваць змены ў Канстытуцыю

Яшчэ ў верасні ад імя Рады Берасцейскага аддзялення Саюза Беларускіх пісьменнікаў (БА СБП) быў накіраваны зварот на адрас мясцовых аблвыканкама і гарвыканкама, а таксама ў тэлерадыёкампанію “Брэст”.

У звароце размова ішла пра тое, што ўладам трэба пачаць размаўляць з жыхарамі горада, якія выходзяць на шматлюдныя пратэстныя акцыі. Для гэтага пісьменнікі прапанавалі маніфестантам абраць упаўнаважаных для перамоў, а ўлады мусяць гарантаваць, што ня будуць пераследваць гэтых асобаў.

Аўтары звароту таксама адзначалі недапушчальнасць замоўчвання акцый пратэсту ў дзяржаўных СМІ (найперш на тэлебачанні) і выказвалі спадзяванне, каб пры згадванні пра гэтыя акцыі журналісты будуць працаваць прафесійна: перад усім неаднабакова.

Адказ з Брэсцкага гарвыканкама за подпісам намесніка старшыні Віталя Шчэрбы атрымаўся лаканічным:

“Мы падзяляем Вашу заклапочанасць становішчам, якое склалася ў горадзе ў выніку масавых беспарадкаў у жніўні 2020 года. Разам з тым паведамляем Вам, што па звестках, прадстаўленых УУС Брэсцкага аблвыканкама, 09-11.08.2020 на тэрыторыі г. Брэста зарэгістраваныя факты беспарадкаў, пашкоджання маёмасці, супраціў супрацоўнікам органаў унутраных спраў.

Ваша прапанова прадстаўнікам мясцовай улады выступіць на сходах пратэстоўцаў можа быць разгледжана толькі ў рамках Закона Рэспублікі Беларусь “Аб масавых мерапрыемствах у Рэспубліцы Беларусь”. Закон вызначае парадак арганізацыі і правядзення масавых мерапрыемстваў, які прадугледжвае парадак падачы заявы (паведамлення) аб правядзенні такога мерапрыемства, яе разгляд і вынясенне па ёй рашэння.

Тэматыка і змест тэлевізійных перадач тэлеканалаў, з якімі ў Брэсцкага гарвыканкама ёсць дагаварныя адносіны (“БугТВ” і “Лагуна ТВ”) вызначаны адпаведнымі дамовамі і ў дастатковай ступені адлюстроўваюць падзеі, якія адбываюцца ў горадзе”.

Што тычыцца Брэсцкага аблвыканкама, дык там у сваім адказе найперш рэкамендуюць азтарам звароту сфармуляваць прапановы па новай рэдакцыі Канстытуцыі краіны.

Таксама літаратарам раяць звяртацца з прапановамі ўдасканалення грамадскага жыцця ў рэгіянальныя сродкі масавай інфармацыі. Што да належнай працы гэтых СМІ, то ў аблвыканкаме лічаць, што “у эфіры тэлеканала “Беларусь 4 Брэст” знаходзяць адлюстраванне ўсе грамадска-палітычныя падзеі жыцця вобласці, у тым ліку і пратэстныя акцыі”.

“Як быццам гэта адсутнасць яе, новай Канстытуцыі, вывела на вуліцы сотні тысяч у Беларусі, дзясяткі тысяч жыхароў Берасцейшчыны і яе цэнтра”, – заўважае пісьменнік і журналіст Яўген Бяласін.

Паводле яго словаў, “калі ўсё так ладком, то чаму штонядзелі ў цэнтры Брэста ваўсю курсуюць аўтазакі, і ён поўны АМАПу ды іншых спецлюдзей? Прычым закамуфляваных, як у блокбастэрах, у сумных колераў вопратку без знакаў адрознення і, прабачце за крымінальны слэнг, у “балаклавы”? І чаму мірных берасцейцаў, пры ўсім Магдэбургскім праве абласнога цэнтра ды іншых гарадоў і самых малых мястэчак Берасцейшчыны, як Дывін, правакуюць брутальнымі дзеяннямі? Прэсуюць нават пры сакральным для нас усіх помніку 1000-годдзю Берасця – замест каб іх пачуць?”.

ЧЫТАЙЦЕ ЯШЧЭ

08 лістапада 2026 21:12

Каму цяпер патрэбны крухмальны завод у Драгічыне?

Частка работнікаў Драгічынскага крухмальнага завода рызыкуе застацца без працы. Прыватны ўласнік мае намер адмовіцца ад прадпрыемства, а вытворчы комплекс можа неўзабаве зноў перайсці дзяржаве. Цяпер на заводзе працуюць каля 100…

10 кастрычніка 2026 17:26

Защита личных данных на государственном сервисе “Обращения.бел” оказалась пшиком?

Доверили государству свои жалобы, а их теперь читают посторонние? «Обращения.бел: сервис, которому доверяют», гордо рекламировало Министерство связи. Через систему подано более 1,7 миллиона обращений, а…

31 ліпеня 2026 13:18

«Признайте вину и отпустим». Как палаточный лагерь под Россонами стал массовым делом

Жена гражданина России пыталась найти помощь для мужа, которого вместе с сотнями людей задержали в лесном лагере под Россонами в Витебской области. По её словам, мужа убеждали признать обвинение в…

20 чэрвеня 2026 10:23

Беларусь у последней черты. Зеленский поставил Лукашенко ультиматум

Президент Украины Владимир Зеленский в пятницу, 19 июня 2026 года, фактически поставил Лукашенко ультиматум: убрать с белорусской территории оборудование, которое помогает России наводить удары по Украине. Срок – неделя. Если…