Івацэвіцкія грэка-католікі запрашаюць на Велікодныя набажэнствы

Грэка-каталіцкая парафія іконы Маці Божай Жыровіцкай у Івацэвічах, віншуе ўсіх хрысталюбівых жыхароў са светлым святам Хрыстовага Ўваскрасення!

Жадаем супакою, здароўя, дабрабыту, абнаўлення духоўных, душэўных ды фізічных сілаў.

Сузіраць Таямніцу Пасхі Хрыстовай ды стаць ейным удзельнікам запрашаем:

– пятніца 02.04 
19:00: 12 Эвангелляў Хрыстовых Пакутаў, вынас і ўшанаванне Плашчаніцы.

– субота 03.04
19:00: Вячэрня ў спалучэнні з Літургіяй Васіля Вялікага (сустрэча Ўваскрэснага Дня).

– нядзеля 04.04
10:00: Велікодная Ютрань ды Літургія Яна Залатавуснага.

Пасхальныя стравы можна асвяціць у суботу ды на сам Вялікдзень

айцец Віталь Быстроў
дыякан Вячаслаў Гарчакоў.

Набажэнствы адбудуцца па адрасе: г.Івацэвічы, вул.Касманаўтаў, д.1 (за “Аўтабумам”)