У Брэсце заўважаныя патрулі вайскоўцаў

Прыкладам, на вуліцы Савецкай у цэнтры горада прагуліваліся трое мужчын, адзін у чорнай форме АМАП і двое ў параднай афіцэрскай з шэўронам “Узброеныя сілы”. На пытанне, што яны робяць на вуліцы, бо войскі могуць выходзіць хіба, калі аб’яўленая вайна, афіцэр сказаў, што дапамагаюць міліцыі ахоўваць парадак.

Калі карэспандэнт заўважыў, што у Беларусі міліцыі і так 1440 чалавек на сто тысяч насельніцтва, а гэта ў чатыры разы больш за краіне з устойлівым парадкам, азваўся міліцыянт, маўляў, многа ў штабах сядзяць, на патрулі мала людзей застаецца.

Што пачуў, тое і аддаў. Па дарозе дахаты разважаў, “патруль” і “patria”, “Бацькаўшчына” – аднакарэнныя словы або не?

А як вы думаеце?