Пра гэта распавялі трое маладых, абаяльных дзяўчатак унутры памяшкання. Апынуўся на праспекце Машэрава даволі выпадкова, ну ды гэтая шыльда і рэкламная раскладушка… былі занадта незвычайнымі, каб не заглянуць. Пагатоў што трэба была анты-covid-ная маска: сваю забыўся дома. А на раскладушцы акурат значылася: “Медыцынская спецвопратка”.
Аказалася: фірма “Базака” прадае халаты асабліва моднага крою. І не толькі гэта. Ну ды не рэкламны артыкул пішу. Самі глянеце, каго зацікавіла.
А мяне зачапіла, так што нават глянуў дома ў сеціва. Аказалася: саліднае прадпрыемства. Больш за сто спецыялістаў! Мае сетку крам па Беларусі. Набірае на працу! Праўда, толькі ў Пінску і Лунінцы – там яны шыюць свае вырабы. Ну ды гэта на час, калі глядзеў сайт, вядома.
Мяркую, гэты рух у беларускі па сутнасці бок паказальны. У 1990-я, калі беларусізацыяй пераймалася была дзяржава, найперш узяліся чамусьці за міліцыю\турмы.
Помню, следчыя абураліся: злачынцы ні ў зуб нагой па-беларуску, а ты пішы на мове, бо пратакол такі. Яшчэ бар “У МІХАСЯ” быў на рагу Савецкай і Машэрава, у падвале, насупраць міліцэйскага пастарунка. Такое ўсё гэта было рэдыскава-камуністычнае – зверху заяўленага колеру, (red), унутры іншага.
Прайшоў час, і ў мазгі прыходзіць прасвятленне. Беларускамоўныя шыльды вешаюць прыватныя ўласнікі, капіталісты. Чаму? Бо разумеюць: з іншай мовай могуць прыйсці і скамуніз…ць. Абагуліць, як казаў мой дзед.
У цэнтры Брэста ўстаноў гандлю і паслуг многа ўжо з беларускімі шыльдамі. Не крыўдуйце, каго не назваў, бо так шмат. Аптэка “Добрыя лекі”, салон “Кветкі”, крама “Падлога і дзверы”, крама “Вяліка шафа”. Былі “Князь Вітаўт” і “YESці”, але зніклі. З розных, як разумею, прычын.
У фотаархіве цэлая падборка ёсць. Некаторыя нават з коламі! На беларускай лацініцы, як разумею. То гляньце.
Наапошку крыху містыкі. Калі гартаў сайт фірмы, пабачыў, што абяцаюць адкрыццё крамы ў Брэсце 21 красавіка. Дык гэта я акурат на яго трапіў! І нават зніжку ў 40 адсоткаў атрымаў. На маску. З таго тыя дзяўчаткі шушукаліся, між сабой. Вылічвалі. Быў сярод першых! Тут без тэлепатыі не абыйшлося.
В Кремле и Госдуме отрицают планы по блокировке видеохостинга YouTube в России. А пользователи винят…
Посол Беларуси в России Дмитрий Крутой предложил наказывать предприятия, которые отстают от плановых темпов роста…
Национальный банк поделился информацией об объеме денег в беларуской экономике. Широкая денежная масса за февраль…
Практически одновременно Национальный статистический комитет Беларуси (Белстат) и Евростат представили данные опросов о доверии к…
Министр образования Андрей Иванец заявил, что требования к распределению выпускников-платников останутся прежними То есть пока…
Зарубежная реакция сначала на украденные выборы 2020 года, а затем на содействие Минска вторжению России…