Прадстаўнікі ўкраінскага консульства ў Брэсце, дыяспары і грамадскасці горада ўсклалі сення кветкі ля помніка Тараса Шаўчэнкі ў гонар 30-годддзя Незалежнасці суседняй краіны. Аб гэтым паведамілі чальцы Брэсцкай абласной арганізацыі БСДП Грамада.
Перад прысутнымі выступілі: Анатоль Дідэнко – консул Украіны ў Брэсце, Віктар Місіюк – кіраўнік украінскага навукова-педагагічнага таварыства «Берагіня», Барыс Брук – ад габрэйскай грамадскасці, Ігар Маслоўскі – кіраўнік Брэсцкай абласной арганізацыі Беларускай сацыял-дэмакратычнай партыі (Грамады) і старшыня брэсцкіх сацыял-дэмакратаў Анна Канюс.
“Шановні друзі! Шаноўныя украінскія сябры, віншуем Вас з Днём Незалежнасці! Посьпехаў і дабрабыту украінскаму народу!” – адзначыў у сваім выступе Ігар Маслоўскі.
Брэст звязваюць з суседняй дзяржавай гістарычныя і культурныя карані. Украінская культура мела вялікі ўплыў на працягу часу і адбілася нават на асаблівасцях гаворак, мясцовых дыялектаў у Брэсцкім раене.
Фота: @belsocdemparty
КОММЕНТАРИИ
ОБСУДИТЬ ПРАВИЛА КОММЕНТИРОВАНИЯ