Пчаляр-паэт з Брэсцкай вобласці пераведзены з “хіміі” ў калонію

З 13 верасня 2021 года Папека адбываў тэрмін у папраўчай установе адркытага тыпу (ПУАТ) №21 у Мазыры. Вядома, што адміністрацыя ўстановы ціснула на Мікалая і ладзілі супраць мужчыны розныя правакацыі.

У пачатку красавіка 2022 года суд Мазырскага раёна пастанавіў замяніць Мікалаю “хімію” на 8,5 месяцаў калоніі, якія ён з чэрвеня адбывае ў магілёўскай калоніі №15.

15 лістапада 2021 года – у Міжнародны дзень пісьменніка ў зняволенні – Беларускі ПЭН-цэнтр абвесціў сем пераможцаў прэміі імя Францішка Аляхновіча за творы, якія грунтуюцца на асабістым аўтарскім турэмным досведзе. Сярод гэтых твораў – цыкл турэмных вершаў Мікалая Папекі.

Штогод нацыянальныя ПЭН-цэнтры і іх сябры па ўсім свеце адзначаюць 15 лістапада, каб падвысіць інфармаванасць насельніцтва аб несправядлівым зняволенні і іншых формах агрэсіі ў дачыненні да пісьменнікаў з розных краін, узгадваючы тых, хто быў забіты, і выказваючы салідарнасьць са зняволенымі.

З моманту пачатку выбарчай кампаніі 2020 года у Беларусі праз СІЗА і калоніі праходзяць тысячы людзей. Некаторыя з іх – пісьменнікі, мастакі, музыкі, а некаторыя толькі за кратамі адкрылі ў сабе талент напісання вершаў, казак ды апавяданняў.