1Тамары Шчапёткінай прысудзілі 25 базавых велічынь штрафу – гэта 575 рублёў. Журналістка з гэтым рашэннем не згодная, яна заявіла, што “вырабам прадукцыі СМІ займаюцца цэлыя рэдакцыі, а збіраць і распаўсюджваць інфармацыю можа любы чалавек”.
Падставай да судовага разбіральніцтва стаў пратакол кобрынскага ўчастковага Юрыя Свідуновіча, складзены на Тамару Шчапёткіну за тое, што яна 28 верасня запісвала на дыктафон каментары людзей у будынку Кобрынскага суду. Паводле міліцыянта, гэтыя каментары потым з’явіліся на сайце “Радыё Рацыя”.
У бярозаўскім судзе падчас паседжання праглядзелі відэа-трансляцыю з кобрынскага суду, якую вёў блогер з Брэста Сяргей Пятрухін. на падставе гэтага відэа Шчапёткіну прызналі вінаватай у працы на замежнае СМІ без акрэдытацыі.
Як распавяла “Першаму Рэгіёну” Тамара Шчапёткіна, яна лічыць прысуд палітычным, журналістка мяркуе, што такім чынам на яе “ціснуць за тое, што піша пра праблемы простых людзей, якіх крыўдзяць чыноўнікі”.
Загалоўнае фота — Тамара Шчапёткіна (з дыктафонам) на ўрачыстасцях у гонар Тадэвуша Касцюшкі ў Косаве, 4 лютага 2017
Чытайце таксама:
Бярозаўскія чыноўнікі не захацелі слухаць крытычны выступ каля помніка Леніну
