Сяргей Трафімчык адносна нядаўна працуе ў Дзяржаўтаінспекцыі – з 2009-га года, але за гэты час зарэкамендаваў сябе прынцыповым, ураўнаважаным міліцыянерам, які добра разумее, што на аўтадарогах павінен быць парадак, як і тое, што супрацоўнік ДАІ – прадстаўнік улады і МУС, таму павінен выглядаць падцягнутым, быць акуратным, ветлівым. Усе гэтыя якасці характэрныя для Сяргея Іванавіча; невыпадкова ён з’яўляецца адным з нямногіх супрацоўнікаў аддзялення, хто ўзнагароджаны ганаровым знакам “Выдатнік ДАІ”, імкнецца павышаць і свой адукацыйны ўзровень.
З пачатку 2018 года Сяргей Трафімчык затрымаў 17 вадзіцеляў, хто кіраваў аўто ў стане алкагольнага ап’янення, 750 парушальнікаў Правілаў дарожнага руху, больш за 50 вадзіцеляў, хто кіраваў аўто, не маючы вадзіцельскага пасведчання.
А сітуацыя на аўтадарогах Івацэвіцкага раёна няпростая, павялічылася аварыйнасць, ёсць шмат пытанняў да пешаходаў, веласіпедыстаў, таму прынцыповасць і строгасць Сяргея Трафімчыка, як і іншых яго калег, супрацоўнікаў ДАІ, – рэчы непазбежныя і неабходныя.
Ларыса КОЛБІК, намеснік начальніка Івацэвіцкага РАУС
Інфа – УУС Брэсцкага аблвыканкама
КОММЕНТАРИИ
ОБСУДИТЬ ПРАВИЛА КОММЕНТИРОВАНИЯ