Пружанскі паэт Мікола Папека на допыце патрабаваў перакладчыка на беларускую

Тэлефона ў яго пры сабе не было і таму адразу па выхадзе з ізалятара Ленінскага РАУС Брэста, накіраваўся да сваякоў. Тыя набылі яму квіток на цягнік да Аранчыцаў.

На допыце ў ізалятары Мікола Папека не сведчыў супраць сабе, на падставе артыкула 27 Канстытуцыі Рэспублікі Беларусь і патрабаваў каб дакументы следчых былі аформлены па-беларуску:

«Я ўсё ж гэтага дабіўся. Больш за тое, я ўбачыў там перакладчыка перад сабой з дзяржаўнага ўніверсітэта. Наколькі ён мае права быць перакладчыкам, я не ведаю, але бясспрэчна ён павінен мець ліцэнзію. Аказалася што знайсці перакладчыка ў Брэсце вялікая складанасць», – паведаміў пасля вызвалення сам Мікалай Папека.

Беларускі паэт, тэхнік-пчаляр з вёскі Лінова Мікола Папека быў затрыманы 30 лістапада раніцай у сябе дома. Пазней, ён паведаміў сваякам пра тое што яго вязуць у Брэст. Знайшоўся паэт у ізалятары часовага ўтрымання Ленінскага РАУС горада і ўтрымлівалі яго там у межах «вадамётнай» справы.

***

13 верасня ў Брэсце адбывалася шэсце ў знак пратэсту супраць вынікаў прэзідэнцкіх выбараў і гвалту сілавікоў. Тады, калона дэманстрантаў спынілася на перакрыжаванні праспекту Машэрава і бульвараў.

Рух транспарта ў тым раёне запаволіўся і сілавікі вырашылі задзейнічаць вадамёт для разгону пратэстуючых.

Пазней, была заведзена крымінальная справа па гэтым эпізодзе (частка 1 артыкула 342 КК РБ «Арганізацыя і падрыхтоўка дзеянняў, якія груба парушаюць грамадскі парадак, альбо ўдзел у іх»).

Паводле праваабаронцаў па дадзенай справе ў якасці падазраваных праходзяць дзесяткі чалавек.

Пра тую акцыю пратэсту пісалі тут:
В Бресте во время воскресного марша милиция использовала водомет