“Абуджэнне” распачне выставу ў Косаўскім палацы Пуслоўскіх

“Абуджэнне” распачне выставу ў Косаўскім палацы Пуслоўскіх

14:21 25 красавіка 2019 ·
Палацу Пуслоўскіх у г. Косава амаль два стагоддзі. Увесь гэты час палац захапляў сваім рамантычным выглядам беларускіх мастакоў, нават тады, калі ён знаходзіўся ў вельмі непрывабным стане, будучы часткова разбураным і заняпалым. Але сёння Косаўскі замак, калі ён выдатным чынам адноўлены і чакае сваіх наведвальнікаў, вабіць мастакоў яшчэ больш.

Побач – музей-сядзіба Тадэвуша Касцюшкі. Гэтага дастаткова, каб заўсёды сюды ехаць: маляваць, тварыць, натхняцца, адчуваць жывыя сувязі гісторыі і сучаснасці. Косаўскі замак і сядзіба Касцюшкі, маляўнічае возера побач з сядзібай – усё гэта прыадчыняе воку неабсяжныя творчыя далягляды.

</

У сёлетнім красавіку мастакі-перасоўнікі, сябры аб’яднання “Абуджэнне”, пачынаюць свой сёмы год творчых выяздных выстаў менавіта з Косаўскага замку, бо лічаць за гонар выстаўляцца менавіта тут. Гэта будзе, на думку ўдзельнікаў выставы, добрым і спрыяльным знакавым праектам, каб 2019 год быў для іх плённым і творча-актыўным. Адкрыццё выставы адбудзецца 29.04.2019 года ў 14:00.

“Абуджэнне” – гэта добраахвотнае аб’яднанне мастакоў з розных гарадоў Беларусі: Андрэй Лычкоўскі – з г.Узда Мінскай вобласці, Таццяна Зданевіч і Анатоль Маразюк з г.Бяроза Брэсцкай вобласці, Фёдар Ладуцька і Яўген Шунейка з Мінска. Поруч з імі ў выставе прымаюць удзел бліжэйшыя калегі-аднадумцы з суполкі “Арт-Слонім” – Васіль Грыневіч і Казімір Кулеш. Іх творы прысвечаны гісторыі і сучаснасці, хараству роднага краю і яго веснавому абуджэнню. Мастакі знойдуць час, каб правесці аднадзённы пленэр і ўзбагаціць свае калекцыі свежымі творамі, прысвечанымі палацу Пуслоўскіх, сядзібе Касцюшкі і яе наваколлю, правядуць падчас адкрыцця выставы творчыя майстар-класы.

Несумненна, вялікая ўвага надаецца вобразу Тадэвуша Касцюшкі, матывам яго малой радзімы, якая натхняла яго ўсё жыццё. Таксама ёсць прысвячэнні і вялікаму польска-беларускаму кампазітару Станіславу Манюшку, 200-годдзе якога сёлета шырока адзначаецца ў свеце.
Усё, што ствараюць мастакі-перасоўнікі, яны малююць ад шчырага сэрдца і лепшыя свае творы даруюць тым рэгіянальным музеям, дзе выстаўляюцца. У іх заўсёды ёсць натхненне, багацце ідэй і жаданне рухацца наперад. Спадзяемся, што іх творы падораць гледачам добры веснавы настрой і жаданне жыць з гонарам за сваю Выдатную Радзіму – Беларусь.
Зімовы эцюд

Трэба адзначыць, што Яўген Шунейка, Андрэй Лычкоўскі, Таццяна Зданевіч і Фёдар Ладуцька з’яўляюцца членамі журы Адкрытага рэгіянальнага конкурса дзіцячага малюнка “Спадчына”, які ўжо чацвёрты год запар паспяхова праводзіцца ў г. Івацэвічы і на тэрыторыі раёна.

Заснавальнік конкурсу – аддзел ідэалагічнай работы, культуры і па справах моладзі Івацэвіцкага райвыканкама. Арганізатар конкурсу-ДУА “Дзіцячая школа мастацтваў г. Івацэвічы”, Храм у гонар дзяржаўнай іконы Божай Маці па благаславенні Высокапраасвяшчэннейшага Стэфана, арцыбіскупа Пінскага і Лунінецкага.

Конкурс дае магчымасць адкрываць і развіваць таленты дзяцей у кірунку выяўленчага мастацтва, дае магчымасць настаўнікам і выкладчыкам узбагаціць свой творчы вопыт і вопыт выкладання, дае магчымасць жыхарам і гасцям горада дакраннуца да мастацтва, адчуць яго подых. Гэта магчыма дзякуючы таму, што другі, самы цікавы і складаны тур конкурса праводзіцца ў фармаце пленэра. Першы этап IV Адкрытага рэгіянальнага конкурса дзіцячага малюнка “Спадчына-2019” адбудзецца 30.04.2019 года, дзе журы зробіць выбар на карысць удзельнікаў другога тура конкурса. Другі тур – пленэр – адбудзецца 11.05.2019 года. Трэба адзначыць, што на першы тур конкурса ўжо паступіла каля 200 дзіцячых малюнкаў.

Прыклад мастакоў-перасоўнікаў, якія рэгулярна наведваюць наш край і дораць нам непараўнальныя эмоціі сваімі творамі, мае быць паказальным і для дзяцей, якія ўдзельнічаюць у конкурсе, і для дзяцей, якія проста цікавяцца мастацтвам, і для ўсіх людзей, якія бачаць і разумеюць прыгажосць.

Людміла Крукоўская, выкладчыца выяўленчага мастацва ў ДУА “ДШМ г. Івацэвічы”

ЧЫТАЙЦЕ ЯШЧЭ

08 лістапада 2026 13:33

Бітва за сякеру Лукашэнкі

Пішучая брація дзяржСМІ змагаецца за бясцэнны прыз — працоўную сякеру Аляксандра Лукашэнкі з яго асабістым аўтографам. Дзеля такой узнагароды работнікі дзяржаўных СМІ змянілі пёры…

31 снежня 2025 18:32

Брестская ёлка лучшая и фальшивая победа бото-голосованием под фанфары пропаганды

На ТГ-канале главного управления по идеологии Брестского облисполкома под фанфары и объявили о «сенсационной победе» брестской ёлки в голосовании за самую красивую новогоднюю ёлку Беларуси. 220 тысяч голосов, «нешуточная борьба», где «до последнего невозможно было предположить победителя» – всё по канонам официального восторга. Вот только есть одна проблема: никакой честной победы там не было.

29 снежня 2023 13:29

«Влияние церкви на общество в Беларуси крайне преувеличено: как властями, так и оппозицией»

Православный священник Александр Шрамко высказался о наполняемости православных храмов, комментируя свое же заявление о том, что из всех считающих себя православными только 1% реально верующие, то есть практикуют свою веру и участвуют в богослужениях.

22 снежня 2023 15:22

Как санкции влияют на культурное наследие Беларуси

Каждый год Беларусь получала около 5 млн долларов на восстановление историко-культурного наследия. С введением санкций финансирование приостановлено. Теперь можно рассчитывать в основном на средства из бюджета.