Дзве аварыі з двухколавым транспартам адбыліся ў Брэсце

Дзве аварыі з двухколавым транспартам адбыліся ў Брэсце

12:43 08 ліпеня 2021 ·
На скрыжаванні пад аўтамабіль падкаціліся два хлопчыкі-веласіпедысты, а дзяцюк на магутным матацыкле знішчыў зад таксоўкі “Яндэкс”.

Абедзьве аварыі адбыліся не толькі фактычна ў адным часе, але і ў бліжняй прасторы.

Малыя раварысты паехалі ў бок Гузнянскага маста цераз Мухавец. На скрыжыванні праспекта Рэспублікі і бакавой дарогі насупраць гіпера “Карона” іх не змог аб’ехаць “Опель”.

Аварыя з Опелем і веласіпедыстамі

На момант фатаграфавання малых не было, засталіся толькі іхнія велікі. Афіцэр ДАІ праінфармаваў, што з хлопчыкамі ўсё ў парадку: “Дома”.

Кіроўца, мужчына сталага веку, надыктоўваў у акт, якія драпіны на бамперы былі да ДТЗ, а якія трэба будзе зафарбоўваць. Відавочна, будзе дабівацца ад бацькоў малых парушальнікаў (не вялі веласіпеды ў руках і, верагодна, рухаліся не на сваё “зялёнае”) кампенсацыі.

Кампенсацыя ў другой аварыі яўна мае быць шмат большай. Багажнік аўтамабіля справа літаральна ўмяты ў салон.

Матацыкл разбіты і развернуты ў бок, процілеглы руху. Аскепкі пластыку і шкла, розныя часткі ўсеялі асфальт на добрыя пяцьдзясят метраў ад скрыжавання вуліц Савецкай Канстытуцыі і Маскоўскай насупраць крамы “Грошык”.

Матацыкл урэзаўся ў таксі

З кіроўцам матацыкла таксама склалася не так гладка, як з дзецьмі-веласіпедыстамі. Паводле сведчання аднаго з інспектараў ДАІ, ён у абласной бальніцы ў рэанімацыі ў цяжкім стане.

Не дзіўна, што ў цяжкім: маладзён гадоў дваццаці (сведчанне таксіста) разагнаўся яўна больш за сто кіламетраў на гадзіну, так што пасля сутыкнення з задняй часткай таксі ён літаральна пераляцеў цераз аўтамабіль і доўга яшчэ працягваў аўтаномны рух па асфальце.

Папярэдняя версія, збольшага са словаў кіроўцы таксі, такая. Таксіст выехаў на сваё зялёнае святло з вуліцы Савецкай Канстытуцыі і павярнуў на Маскоўскую. У гэты час па ёй паспрабаваў праскочыць ад цэнтра матацыкліст. Але не змог сыйсці ад сутыкнення.

Выснова напрошваецца якая? Двухколавы транспарт менш астойлівы, патрабуе нейкіх нават эквілібрыстычных навыкаў. Таму не рызыкуйце на ім дарма.

Дзе няма “зялёнага” пераезду цераз скрыжаванне, вядзіце велікі ў руках. Асабліва гэта датычыць дзяцей і скрыжаванняў са шчытным рухам.

На матацыклах не ганяйце па гораду, як па гоначным торы. Не таму, што гэта забараняе Дзяржаўтаінспекцыя. Таму, што можаце закончыць як малады неабачлівы з сённяшняй сумнай навіны. Калі хлопец выжыве, дату 07.07.2021 запомніць стальной памяццю.

ЧЫТАЙЦЕ ЯШЧЭ

11 кастрычніка 2026 13:35

Гражданина Мадагаскара экстрадировали из ОАЭ в Беларусь

Беларусь добилась выдачи из Объединённых Арабских Эмиратов иностранца, которого обвиняют в организации нелегального маршрута миграции в Евросоюз. По версии следствия, через белорусскую территорию он…

31 ліпеня 2026 13:18

«Признайте вину и отпустим». Как палаточный лагерь под Россонами стал массовым делом

Жена гражданина России пыталась найти помощь для мужа, которого вместе с сотнями людей задержали в лесном лагере под Россонами в Витебской области. По её словам, мужа убеждали признать обвинение в «несанкционированном массовом мероприятия» по статье 24.23 КоАП, обещая, что после подписи его сразу отпустят. Как и многие, он не хотел признавать вину в том, что отдых в лесу, не спросив власти, является нарушением. МВД подтвердило задержание более 300 человек.

18 чэрвеня 2026 13:33

Подозреваемого в убийстве художника задержали

В Польше задержали мужчину, которого подозревают в причастности к убийству российского художника и блогера Роберта Кузовкова, известного под псевдонимом Семён Скрепецкий. О задержании сообщил премьер-министр Польши Дональд Туск.

16 мая 2023 16:10

Каких преступлений в Беларуси совершается больше всего?

В 2022 году в Беларуси было зарегистрировано 88555 преступлений. Об этом свидетельствуют данные Национального статистического комитета, представленные в виде инфографики.