Святочны вулічны фестываль “100 год БНР” рыхтуецца ў Берасці на Дзень Волі. ВІДЭА

Святочны вулічны фестываль “100 год БНР” рыхтуецца ў Берасці на Дзень Волі. ВІДЭА

15:51 05 марта 2018
1
Грамадзянская супольнасць горада запланавала на 25 сакавіка мітынг і вулічны фестываль у цэнтры Берасця з канцэртам, пляцоўкамі рамеснікаў, майстар-класамі і фотазонамі.

У арганізацыйны камітэт па правядзенні свята аб’ядналіся на сённяшні дзень 16 суб’ектаў – структуры палітычных партый, грамадскія арганізацыі, валанцёрскія ініцыятывы і мясцовыя бізнэсоўцы.

Кіраўнік абласной арганізацыі Партыі БНФ Дзмітрый Шыманскі ад імя аргкамітэта падаў 5 сакавіка заяўку на правядзенне фестываля  ў Берасцейскі гарвыканкам.

Аргкамітэт плануе зрабіць мерапрыемства цікавай і запамінальнай падзеяй для берасцейцаў.

“Круглая дата – 100 год з дня абвяшчэння незалежнасці Беларусі – настройвае на святочны лад. І мы рыхтуем сапраўднае свята – канцэрт, розыгрышы прызоў ад нашых партнёраў, знаёмства з беларускімі рамеснікамі і грамадскімі арганізацыямі, мора пазітыву і святочнай сімволікі”, – паведаміў старшыня абласной арганізацыі Партыі БНФ Дзмітрый Шыманскі.

Дзень Волі ў Берасці ў 2017 годзе

Як адзначыў адзін з сябраў аркамітэта, старшыня Брэсцкай абласной арганізацыі Беларускай сацыял-дэмакратычнай партыі (Грамады) Ігар Маслоўскі, свята дае шанец на аб’яднанне грамадства вакол найважнейшых нацыянальных каштоўнасцяў – свабоды і незалежнасці.

“Мы запрашаем таксама прадстаўнікоў органаў улады далучыцца да арганізацыі фестываля, разам павіншаваць берасцейцаў з юбілеем падзеі, якая ўрэшце прывяла да стварэння дзяржавы, у якой мы жывем”, – адзначыў Ігар Маслоўскі.

Зараз арганізацыйны камітэт рыхтуе праграму мерапрыемства.

“Мы заклікаем усіх, хто лічыць гэты дзень святочным, далучацца да яго арганізацыі. Можна стаць валанцёрам і атрымаць досвед арганізацыйнай працы. Можна ахвяраваць невялікія сумы на выраб фестывальнай сімволікі. А калі вы ўладальнік беларускага бізнэса – можна прэзентаваць сваю фірму на адной з крэатыўных пляцовак фестываля. Усе арганізацыйныя дэталі ў бліжэйшыя дні мы будзем публікаваць у сацыяльных сетках з хэштэгам #БНР100”, – дадаў Дзмітрый Шыманскі.

На відэа, як адбывалася шэсце і мітынг на Дзень Волі ў Берасці летась:

Даведка:

25 сакавіка 1918 года Рада Беларускай Народнай Рэспублікі прыняла Трэцюю Устаўную грамату, абвясціўшы Беларусь “незалежнай і вольнай дзяржавай”. Тым самым было пацверджана шматвекавое імкненне беларускага народа будаваць уласную дзяржаву. Нельга пераацаніць значэнне гэтай падзеі для фармавання беларускай дзяржаўнасці ў 20-м стагоддзі.

Сёлета мы адзначаем 100-годдзе гэтай падзеі, аддаючы даніну павагі людзям, дзякуючы руплівай працы якіх мы сёння маем гонар жыць у сваёй дзяржаве – Рэспубліцы Беларусь.

Комментирование закрыто.

ЧИТАТЬ ЕЩЕ СТАТЬИ

08 ноября 2026 13:33

Битва за топор Лукашенко

Пишущая братия госсми соревнуется за бесценный приз – рабочий топор Александра Лукашенко с его личным автографом. Ради такой награды работники государственных СМИ сменили перья на топоры и отправились рубить дрова. Правду рубить им давно не приходится. 8 ноября 2026 года на берегу водохранилища Вяча проходит пятый чемпионат по колке дров среди СМИ. За звание лучших […]

24 ноября 2023 16:36

Удается ли пенсионерам из Беларуси путешествовать по миру?

Институт социологии НАН Беларуси провел исследование о жизни беларусских пенсионеров. Среди прочего, спрашивали о досуге — оказалось, что главные спутники пенсионеров действительно огород и телевизор, чтение книг и газет, прогулки на свежем воздухе. А вот позволить себе путешествовать могут очень немногие, лишь 3,3%.

09 июля 2023 22:19

Россия вместо Евросоюза: куда сейчас могут поехать в отпуск белорусы?

Какие варианты для отдыха и путешествий есть у белорусов нынешним летом, с чем приходится сталкиваться при получении виз и как решаются проблемы с логистикой из-за запрета авиаперелетов в Евросоюзе?

10 июня 2023 11:08

Не до развлечений: сколько семья в Беларуси в среднем тратит на культуру, спорт и отдых?

В предпандемийный 2019 год на культуру, спорт и отдых беларусы расходовали более 7% от общего объема потребительских расходов. С переходом пандемии эти расходы значительно снизились, а после того, как эпидемиологическая ситуация нормализовалась, обратно не отросли.