Чацвер19 лістапада
+7°Брэст · заўтра +2…+8°
$2,9950▼0,0037€3,2876▼0,011310 zł7,4538▼0,0321Курс НБРБ
Канапацкая прапануе Лукашэнку недатыкальнасць, 75% ад заробку і адну рэзідэнцыю ва ўласнасць

Канапацкая прапануе Лукашэнку недатыкальнасць, 75% ад заробку і адну рэзідэнцыю ва ўласнасць

10:29 28 лістапада 2019 ·
Дэпутатка Палаты прадстаўнікоў Ганна Канапацкая напрыканцы сваёй кадэнцыі прапанавала праект закона «Аб гарантыях прэзідэнту Рэспублікі Беларусь, які спыніў выкананне сваіх паўнамоцтваў, і членам яго сям’і».

Такім чынам, праект закону ад Ганны Канапацкай паступіў на разгляд у Палату прадстаўнікоў. Што прапануе дэпутатка?

  • Пажыццёвую ахову для былога прэзідэнта
  • Медыцынскае абслугоўванне на ўзроўні часу знаходжання пры ўладзе
  • Страхаванне здароўя і жыцця за кошт дзяржаўнага бюджэту
  • Недатыкальнасць былога прэзідэнта, гонар і годнасць абараняецца законам
  • Былы прэзідэнт не можа быць прыцягнуты да крымінальнай ці адміністрацыйнай адказнасці за дзеянні, якія здзейсніў падчас знаходжання на пасадзе прэзідэнта
  • Не можа быць падвергнуты допыту, вобшуку ці асабістаму надгляду па справах, звязаных з выкананнем абавязкаў прэзідэнта Беларусі
  • Недатыкальнасці можа быць пазбаўлены ў сувязі з завядзеннем крымінальнай справы за цяжкое злачынства
  • Былы прэзідэнт мае права на 75% ад заробку, які ён атрымліваў падчас знаходжання на пасадзе
  • У пажыццёвае карыстанне прадстаўляецца адна з рэзідэнцый
  • Мае права на бясплатную ўрадавую сувязь
  • Мае права за кошт бюджэту ўтрымліваць апарат памочнікаў

У каментары журналістам Ганна Канапацкая патлумачыла, што законапраект прапанаваны толькі цяпер, бо падрыхтоўка дакумента — гэта «дастаткова забюракратызаваны працэс». І толькі цяпер гэты праект закона прайшоў праверку і атрымаў адпаведныя заключэнні.

Цяпер усё гатова да таго, каб гэты законапраект быў прыняты яшчэ старым скліканнем парламента, але сама дэпутатка не загадвае, ці адбудзецца гэта ўжо так хутка.

Што тычыцца недатыкальнасці для прэзідэнта, то Канапацкая называе гэта «агульнасусветнай практыкай, якая заснаваная на дэмакратычных каштоўнасцях, прыхільніцай якіх я з’яўляюся». «Там прапісаныя ўсе варыянты, у тым ліку і прыцягнення да адказнасці», — кажа Канапацкая.

«Я не каментую чуткі і здагадкі. Я ведаю толькі тое, што я напісала. Гэта дакумент заснаваны на Канстытуцыі нашай краіны, а таксама міжнародных дакументах», — расказвае дэпутатка.

Ці з’яўляецца агульнай нормай пакіданне за былым прэзідэнтам адной з рэзідэнцый? «Гэта мае прапановы, яны могуць быць змененыя», — адказала Канапацкая.

ЧЫТАЙЦЕ ЯШЧЭ

08 лістапада 2026 14:38

Еўропа хоча гаварыць з Расіяй. Але палітолаг забыў удакладніць, пра што менавіта

Асобныя дыпламатычныя ініцыятывы еўрапейскіх лідараў ужо падаюць як змену стаўлення Еўропы да Расіі. Палітолаг Дзяніс Дзянісаў тлумачыць гэта празрэннем еўрапейскіх палітыкаў, якія нібыта ўсвядомілі…

08 лістапада 2026 13:33

Бітва за сякеру Лукашэнкі

Пішучая брація дзяржСМІ змагаецца за бясцэнны прыз — працоўную сякеру Аляксандра Лукашэнкі з яго асабістым аўтографам. Дзеля такой узнагароды работнікі дзяржаўных СМІ змянілі пёры…

08 лістапада 2026 01:01

Ад Ліберыі да Кітая праз Якуба Коласа. Як тлумачаць, чаму ў Беларусі не патрэбныя палітычныя партыі

Спачатку нам распавядаюць, што заходнія выбары купляюць мільянеры, потым абвяшчаюць кітайскіх камуністаў узорам сумленнасці, а ў фінале высвятляецца, што самім беларусам дастаткова моцнага прэзідэнта…

02 лістапада 2026 18:28

Медыягігіена па-беларуску. Як фільтраваць інфармацыйны шум і заставацца пры здаровым розуме

Як не патануць у навінах, захаваць здаровы сэнс і не падставіцца — практычны дапаможнік па медыягігіене ў Беларусі.