Пятніца20 лістапада
+7°Брэст · заўтра +1…+5°
$2,9943▼0,0007€3,2913▲0,003710 zł7,4496▼0,0042Курс НБРБ
І машыну пілавалі, і тэлевізар тушылі: івацэвіцкія выратавальнікі зладзілі шоў у Дабромыслі. ФОТА

І машыну пілавалі, і тэлевізар тушылі: івацэвіцкія выратавальнікі зладзілі шоў у Дабромыслі. ФОТА

13:42 22 мая 2018 ·
Івацэвіцкія выратавальнікі зноў сабралі вяскоўцаў для абмеркавання разам злабадзённых пытанняў бяспекі. На гэты раз яны прыехалі да жыхароў вёскі Дабромысель і сабралі іх на сход. Ды не звычайны, традыцыйны з павучальнымі прамовамі-тырадамі, а па-новаму, па-сучаснаму.

Увазе вяскоўцаў яшчэ за дзве гадзіны да абазначанага пачатку сходу ў мясцовым СДК прыцягнулі пажарныя аўтамабілі рознага прызначэння. Пакуль жа дабромысельцы прывыклі бачыць толькі пажарныя аўтацыстэрны, бо ў вёсцы ёсць пажарны аварыйна-выратавальны пост. На гэты раз у вёсцы з’явіўся і механічны пад’ёмнік, і пажарны аўтамабіль хуткага рэагавання, а разам выратавальнікі прадэманстравалі сваё шматлікае і шматфункцыянавальнае спецыяльнае пажарна-тэхнічнае ўзбраенне.

Вяскоўцам паказалі і работу выратавальнікаў ў выпадку дарожна-транспартнага здарэння, калі даводзіцца літаральна рэзаць на кавалкі пакарожаны ДТЗ аўтамабіль, каб выратаваць чалавека з груды металу.

Было і “ратаванне пацярпелага на вадзе” (у самым пачатку вёскі насупраць СДК ёсць сажалка). Вяскоўцы розных узростаў з непрыхаваным інтарэсам сачылі за работай выратавальнікаў.

А вось квэст “Сам сабе МНС!” прыцягнуў увагу ў значнай большасці дзяцей і падлеткаў. Варта адзначыць, што менавіта вучні мясцовай установы адукацыі і іх педагогі аказаліся самымі актыўнымі ўдзельнікамі квэст-заданняў.

Тут жа трэба было з дапамогай мальнікага памазка і скотча сабраць у баначку бісерынкі, якія імітавалі шарыкі ртуці з толькі што разбітага тэрмометра.

На другой пляцоўцы з дапамогай дроцікаў-магнітаў імітуючы гульню ў дартс трэба было патрапіць у каляровы канверт, раскрыць яго і даць падрабязы, грунтоўны адказ на зададзенае пытанне, схаванае ў канверце. І тут найбольш кемлівымі і дасветчанымі былі школьнікі.

Затое на пляцоўцы “патушы пажар” сабраліся і старэйшыя. Праўда, не ўсе адважыліся патушыць з дапамогай кавалка брызенту палаючы тэлевізар, што даволі эфектыўна прарабілі некалькі школьнікаў пачаргова. А вось палаючы касцёр трэба было патушыць пры дапамозе парашковага вогнетушыцеля.

Былі і практычныя, і тэарэтычныя заданні для вяскоўцаў. Кожны, хто хоць нейкім чынам здолеў прадэманстраваць свае веды ў вобласці бяспечнасці жыццядзейнасці, тут жа быў заахвочаны прызам.  Сярод прызоў быў і аўтаномны пажарны апавяшчальнік. Каб атрымаць яго, варта было назвацьяго прызначэнне, прынцып дзеяння, правілы ўстаноўкі і далейшага абслугоўвання. Дастаўся АПА настаўніцы мясцовага дзіцячага саду-сярэдняй школы.

Далей начальнік Івацэвіцага РАНС В.І. Бацкалевіч запрасіў вяскоўцаў у памяшканне СДК. На ўваходзе актывісты БМГАВП  уручалі вяскоўцам тэматычныя буклеты.

Тут і прайшло сумеснае абмеркаванне пытанняў бяспечнасці вёскі. Увазе прысутных былі прадэманстраваны фотаздымкі парушэнняў правілаў пажарнай бяспекі пры эксплуатацыі пячнога і электрычнага абсталявання, факты неахайнага абыходжання з агнём і яго крыніцамі.

Далей кіраўнік раённай службы МНС расказаў аб няпростай, нават складанай абстаноўцы з пажарамі і гібеллю на іх людзей, якая склалася ў раёне з пачатку года, аб неабходных мерах засцярогі, якія павінен выконваць кожны грамадзянін, каб пазбегнуць пажару ці якога іншага надзвычайнага здарэння.

Фіналам сустрэчы была дэманстрацыя абучаючых відэафільмаў з цыкла “Азбука бяспекі”.

ЧЫТАЙЦЕ ЯШЧЭ

08 лістапада 2026 13:33

Бітва за сякеру Лукашэнкі

Пішучая брація дзяржСМІ змагаецца за бясцэнны прыз — працоўную сякеру Аляксандра Лукашэнкі з яго асабістым аўтографам. Дзеля такой узнагароды работнікі дзяржаўных СМІ змянілі пёры…

24 лістапада 2023 16:36

Удается ли пенсионерам из Беларуси путешествовать по миру?

Институт социологии НАН Беларуси провел исследование о жизни беларусских пенсионеров. Среди прочего, спрашивали о досуге — оказалось, что главные спутники пенсионеров действительно огород и телевизор, чтение книг и газет, прогулки…

09 ліпеня 2023 22:19

Россия вместо Евросоюза: куда сейчас могут поехать в отпуск белорусы?

Какие варианты для отдыха и путешествий есть у белорусов нынешним летом, с чем приходится сталкиваться при получении виз и как решаются проблемы с логистикой из-за запрета авиаперелетов в Евросоюзе?

10 чэрвеня 2023 11:08

Не до развлечений: сколько семья в Беларуси в среднем тратит на культуру, спорт и отдых?

В предпандемийный 2019 год на культуру, спорт и отдых беларусы расходовали более 7% от общего объема потребительских расходов. С переходом пандемии эти расходы значительно снизились, а после того, как эпидемиологическая…