Чацвер19 лістапада
+7°Брэст · заўтра +2…+8°
$2,9950▼0,0037€3,2876▼0,011310 zł7,4538▼0,0321Курс НБРБ
«Ён служыў свайму краю, свайму народу»: у Заполлі развіталіся з краязнаўцам Алесем Зайкам

«Ён служыў свайму краю, свайму народу»: у Заполлі развіталіся з краязнаўцам Алесем Зайкам

22:04 28 чэрвеня 2018 ·
Дзесяткі людзей з'ехаліся ў Заполле Івацэвіцкага раёну, каб правесці ў апошні шлях выбітнага краязнаўцу, літаратара Алеся Зайку. Сярод прысутных былі вядомыя беларускія пісьменнікі, прадстаўнікі ўлады, ды многія сваякі і сябры спачылага на 70 годзе жыцця Алеся Зайкі.

Пахавалі нашага збіральніка духоўнай спадчыны на могілках у Бялавічах.

Алесь Разанаў, беларускі пісьменнік і перакладчык, сябра Алеся Зайкі з студэнцкіх гадоў, у сваёй прамове падкрэсліў значнасць яго працы для духоўнай спадчыны народу:

“Азіраюся на гэты шлях Алеся Зайкі – гэта быў шлях служэння. Ён служыў свайму краю, свайму народу, ён з усімі быў зрошчаны і зроднены. І з гэтым краем, які ён акрэсліваў найменнем Косаўшчына – найболей. Выдаў стос кніг, і засталіся тыя, якія выйдуць неўзабаве. Дзеля гэтай справы ён жыў і служыў. Калі гавораць пра скарбы, якія людзі збіраюць у сваім жыцці, то гэтым скарбам зайздросцяць, іх рабуюць, а ён збіраў нябесны скарб,” – кажа Алесь Разанаў.

Алесь Разанаў

Яшчэ адзін сябра Алеся Зайкі, паэт-пчаляр, заснавальнік мядовай літаратурнай прэміі Мікола Папека сказаў:

“Перад намі чалавек, які быў у захапленні ад свайго роднага краю, ад роднага слова. І гэта мы бачым у яго слоўніках, у яго творах, як тая кніга, што павінна выйсці неўзабаве – “Мікратапаніміка Івацэвіччыны”. Калі я пабачыў яго кнігу “Дым з коміна”, я адзначыў яе сваёй прэміяй, таму што гэта нельга было не адзначыць. На пахаванні Алеся Каско Алесь Зайка сказаў, што мы – гэта насенне. І тое, што зрабіў Алесь Зайка ў сваіх слоўніках, кніжках – гэта тое насенне, якое мае быць высеена і ўзыйсці для таго, каб мы перамаглі апалячванне і русіфікацыю ў нашай мове”.

Мікола Папека

Цёплыя словы пра свайго сябра сказаў і івацэвіцкі пісменнік і журналіст Валер Гапееў, які шмат дапамагаў Аляксандру Фамічу Зайку ў рэдагаванні і выданні яго кніг. Валер Гапееў прыгадаў, што Алесь Зайка спрачыніўся да надання некаторым вуліцам Івацэвічаў імёнаў нацыянальных беларускіх дзячоў.

“Перакананы, што будзе ў нас і вуліца імя Алеся Зайкі,” – сказаў Валер Гапееў.

Валер Гапееў

Алесь Фаміч Зайка адыйшоў 26 чэрвеня, ён выбітны збіральнік народнага фальклору, моўных асаблівасцей нашага рэгіёну. На развітанні з ім беларускія пісменнікі  выказалі, што Алесь Зайка быў сапраўдным навукова-даследчым інстытутам у адной асобе.

Чытайце:
Памёр Алесь Зайка, краязнавец з Заполля Івацэвіцкага раёну, які навучыў правільна казаць «Марачоўшчына»

 

ЧЫТАЙЦЕ ЯШЧЭ

15 лістапада 2026 13:23

Ці хочуць беларусы жыць пры прыгонным праве?

Замест таго каб ствараць у рэгіёнах умовы, пры якіх людзі самі захочуць заставацца там жыць і працаваць, нязменны кіраўнік Беларусі прапануе абмежаваць магчымасць іх…

02 лістапада 2026 23:12

Бульбянае шчасце «Мінскай праўды»: адзін мех на ўсю рэдакцыю

У рэдакцыі «Мінскай праўды» адбылася падзея, якую цяжка пераацаніць. Супрацоўнікі атрымалі амаль 25 кілаграмаў бульбы з агарода Аляксандра Лукашэнкі. Не кожнаму па мяху, вядома.…

22 кастрычніка 2026 15:33

Не маўчаў перад уладай і не пакідаў людзей у бядзе. Памёр святар Ігар Кандрацьеў

Ён дапамагаў людзім, адраджаў грэка-каталіцкую царкву на Брэстчыне, распаўсюджваў Біблію па-беларуску і патрабаваў вызвалення людзей, калі іншыя баяліся нават загаварыць. Айцец Ігар Кандрацьеў быў святаром, для якога вера не абмяжоўвалася…

11 кастрычніка 2026 13:35

Гражданина Мадагаскара экстрадировали из ОАЭ в Беларусь

Беларусь добилась выдачи из Объединённых Арабских Эмиратов иностранца, которого обвиняют в организации нелегального маршрута миграции в Евросоюз. По версии следствия, через белорусскую территорию он…