Пятніца20 лістапада
+7°Брэст · заўтра +1…+5°
$2,9943▼0,0007€3,2913▲0,003710 zł7,4496▼0,0042Курс НБРБ
«Каб людзі не адвучыліся друкаваць свае фота»: у Бярозе адкрылася выстава старых фотаздымкаў «З сямейнага архіву»

«Каб людзі не адвучыліся друкаваць свае фота»: у Бярозе адкрылася выстава старых фотаздымкаў «З сямейнага архіву»

10:28 11 красавіка 2018 ·
З 10 красавіка да 6 мая ў Бярозаўскай Галерэі мастацтваў на вуліцы Леніна, 104 А праходзіць выстава фотаздымкаў, некаторым з якіх каля 100 год. Выстава "З сямейнага архіву" арганізаваная брэсцкім краязнаўцам Іванам Чайчыцам сумесна з Генеральным консульствам Рэспублікі Польшча ў Брэсце. Да Бярозы выстава экспанавалася толькі ў абласным цэнтры.

Іван Чайчыц, краязнаўца з Брэста, каардынатар выставы, распавёў, што ў век сучасных тэхналогій важна каб людзі не адвучыліся зберагаць друкаваныя фота, якія рабілі іх продкі:

“Узнікла ідэя данесці да людзей тое, што сёння яны мала друкуюць фота, а прывыклі захоўваць іх у камп’ютарах ды сацыяльных сетках. Увогуле, гэта выстава адбылася дзякуючы таму, што калісьці людзі надрукавалі свае фота. І не проста надрукавалі, яны іх яшчэ захавалі. І вось мы звярнуліся да людзей з прапановай падзяліцца фотаздымкамі з сямейнага архіву для таго, каб зрабіць выставу. На выставе апроч фота з нашага рэгіёну маюцца фота з Польшчы, ЗША, Ізраіля. Мы вырашылі не спыняцца, далей збіраем матэрыялы, хочам, каб такі праект выставы фота з сямейных альбомаў быў не аднаразовым, а працягваўся як мага даўжэй”.

На фотаздымках паказаны побыт людзей у той час, калі толькі скончылася адна з страшных войнаў чалавецтва – першая сусветная. Людзі вярнуліся да мірнага жыцця, адбудавалі дамы, жаніліся, нараджалі дзяцей і яшчэ не ведалі, што хутка будзе другая сусветная вайна.

Некаторыя фотаздымкі тычацца і мясцовага рэгіёну, напрыклад, вельмі каларытнае фота “Косаўскія дашкольнікі”:

На адкрыцці выставы прысутнічалі старшыня Бярозаўскага райвыканкаму Леанід Мартынюк, консул генеральнага консульства Рэспублікі Польша ў Брэсце Кшыштаф Расінскі.

Старшыня райвыканкаму Леанід Мартынюк (справа) і польскі дыпламат Кшыштаф Расінскі

Кіраўнік Бярозаўскага раёну Леанід Мартынюк у сваім выступе падзякаваў арганізатарам выставы і падкрэсліў важнасць падобных мерапрыемстваў:

“Фатаграфія не страціла сябе як культурная, гістарычная каштоўнасць. Мерапрыемства, якое мы ладзім супольна з консульствам Рэспублікі Польшча, ужо не першае і мы не будзем абмяжоўвацца на гэтым, будзем шукаць моманты для далейшага нашага супрацоўніцтва. Я перакананы, што дадзеная выстава будзе цікавай і напоўніць наведнікаў станоўчымі як эмацыйнымі, так і візуальнымі ўражаннямі”.

У дзень адкрыцця выставы 10 красавіка, некалькі дзясяткаў жыхароў Бярозы прыйшлі паглядзець на старыя фота.

Некаторыя падзяліліся сваімі ўражаннямі:

“Людзі на фотаздымках як лялькі намаляваныя, вось цяпер не такія робяць. А гэтыя нагадваюць нешта такое блізкае, роднае,” – распавяла наведніца выставы.

“Самае цікавае, што ў маё бабулі таксама падобныя фота вісяць. І людзі ў падобных сукенках,” – не хавае захаплення іншая наведніца.

Краязнаўца Іван Чайчыц

ЧЫТАЙЦЕ ЯШЧЭ

19 лістапада 2026 16:00

Баляслаў Пачопка: вясковы святар на Целяханшчыне, якому дапамагала княгіня

Грэка-каталіцкі святар Баляслаў Пачопка выдаў адну з першых граматык беларускай мовы і пабудаваў царкву ў Бабровічах. Яго лёс і трагедыя яго вёсак.

08 лістапада 2026 01:01

Ад Ліберыі да Кітая праз Якуба Коласа. Як тлумачаць, чаму ў Беларусі не патрэбныя палітычныя партыі

Спачатку нам распавядаюць, што заходнія выбары купляюць мільянеры, потым абвяшчаюць кітайскіх камуністаў узорам сумленнасці, а ў фінале высвятляецца, што самім беларусам дастаткова моцнага прэзідэнта…

20 кастрычніка 2026 16:04

«А кто это на фотографии?» Как узнать историю своей семьи, пока не стало поздно

В старом семейном альбоме попадаются фотографии людей, о которых уже никто ничего не помнит. Спросить не у кого, а выбросить снимок рука не поднимается. Но иногда за такой фотографией обнаруживается…

17 верасня 2026 16:17

Что не рассказали беларусам про 17 сентября

17 сентября государственные СМИ почти одновременно начали повторять одну и ту же фразу. В поздравлении Лукашенко День народного единства назван днем «возвращения родной земли, отданной без нашей воли на долгие…