Дзясятак жыхароў Баранавічаў прыйшлі ўвечары 30 кастрычніка да помніка ахвярам камуністычных рэпрэсій, каб ушанаваць памяць ахвяр сталінскіх часоў.
Гэты помнік уяўляе сабой высокі крыж з надпісам “Ахвярам гвалту 1939-1953”. Ён знаходзіцца на месцы былой турмы НКВД “Крывое кола”, цяпер тут сквер.
Жыхары Баранавічаў прыбралі каля крыжа, памаліліся за забітых у часы чырвонага тэрору жыхароў Беларусі, ды пачыталі вершы расстраляных паэтаў.
Каля крыжа запалілі свечкі, а на крыж прымацавалі сімвалічны бел-чырвона-белы вянок.
Крыж памяці ахвяр камуністычных рэпрэсій у 1992 годзе быў устаноўлены ў цэнтры Баранавіч. Аднак, праз некалькі год невядомыя перанеслі яго на месца, дзе была турма НКВД “Крывое кола”. Паводле ацэнкі баранавіцкага даследчыка Аляксандра Татаранкі там было расстраляна некалькі тысяч чалавек.
КОММЕНТАРИИ
ОБСУДИТЬ ПРАВИЛА КОММЕНТИРОВАНИЯ