Чацвер19 лістапада
+6°Брэст · заўтра +3…+8°
$2,9950▼0,0037€3,2876▼0,011310 zł7,4538▼0,0321Курс НБРБ
Вандроўкі па брэсцкіх лясах: грыбы падмануліся на холад

Вандроўкі па брэсцкіх лясах: грыбы падмануліся на холад

07:50 06 верасня 2021 ·
Як Піліп з канапель, там-сям выскачылі кастрычніцкія рыжыкі і лістападаўскія кошкі. Падманула іх надвор’е! Надмерна дажджыстае і ветранае, яно цяпер уражвае яшчэ і холадам: бліжэй да ранку рэальна патыхае замаразкам.

Чарговая інспекцыя лесу для “Першага Рэгіёна” прынесла нечаканыя знаходкі. Як належыць, у нізкім месцы пры балоце на шчытнай зямліцы, але  ў неналежны ім час выраслі … рыжыкі! Ім бы яшчэ як мінімум месяц у зямлі сядзець, да першых кастрычніцкіх халадоў пасля “жыдоўскіх кучак” ды “бабінага лета”.

А на высокім гарбу пад дубамі ды хвойкамі, пасярод сівога моху, мяшанага з зялёным, знайшліся каля паўсотні “кошак”. Многа, але ўсе дробнага і драбнюткага, прыгнечанага памеру. Яно і зразумела: іх пара лістапад.

У зборы рыжык (у авале) і кошкі (у квадраце).

“Кошка” – грыб не надта папулярны, яго мала бяруць. Мабыць, насцярожвае ніз ­– там барада з тонкіх трубак. У іх грыб вырошчвае споры, сваё насенне. Ён спажыўны (ядомы), адно што трэба ў больш пажылога гэтую бараду саскрабаць, бо яна ў кошыку аблазіць і засмечвае збор. У маладога спакойна пакідайце.

Сіняк заступіў дарогу.

Малады грыб карычневы, цянёны (па цэнтру шапкі цямнейшы, да краю больш светлага адцення), ніз колеру кавы з малаком. Стары мае вялікую шапку, часам з патэльню велічынёй, мясісты. Калі нацерпіцца дажджоў, то ўвогуле чарнее.  Пры гатаванні гэтыя грыбы пахнуць ёдам, звараныя ўстойліва чорнага колеру. Можа, і гэта дадаткова паўстрымлівае людзей. Але не мяне. Пагатоў што іх позняй восенню можна набіць мяшок за паўгадзіны. Натуральна, калі не прайшоў паперадзе спанатраны, спрактыкаваны канкурэнт.

Лісічак поўна

Працягваюць ашарашваць колькасцю лісічкі. На маёй памяці столькі не было! Трапляюць і баравікі, але галоўнае: папёрлі польскія! Купамі. Прытым што да іх звычайнага масавага старту тыдні два. З такімі тэмпамі, мусім чакаць падзялёнак і зялёнак!

Яшчэ адна прыкмета гэтага сезону: ядомыя грыбы растуць плямамі –  тут ёсць, там няма. Нават калі лес падобны. Чуллівыя да паветра\глебы.

Што ж, анамальнае надвор’е мае і такі вынік. Як раздумацца, то лагодны, – станоўчы.

Трапляюць і белыя, іншым разам сем’ямі

Напрыканцы адзін рэцэпт. Можна сказаць, што ён ад бацькі, але ўдасканалены. Бацькава версія называлася “баравікі шляпкамі”. Я далучыў сюды, з падачы сябравай матулі, парасоны, і з уласнага ведання, польскія баравікі і рыжыкі.

Бярэм грыб з цвёрдай шляпкай, прамываем у халоднай вадзе ад пяску і бруду. На патэльню не шкадуючы наліваем алею, укладваем грыбы шапкай уверх. Солім і перчым – на ніз такія дадаткі лепш кладуцца. Вытрымліваем хвілін пяць-дзесяць на умеркаваным полымі, потым пераварочваем.

Сёлетняя патэльня шляпак у асартыменце: белыя, польскі баравік, парасон і рыжык

Перавярнуўшы, чакаем, пакуль грыб не “ападзе ў сябе”, не аддасць асноўную вільгаць. Потым прыціскаем кожную шапачку лапаткай да рэзкага шыпення. Гэта каб гарантавана прасмажыўся. Калі шапка вельмі тоўстая, можна кульнуць туды-сюды яшчэ раз. Згатаваныя грыбы высакародна падфарбаваныя залацістым адценнем, апроч рыжыкаў. Тыя занадта рудыя, золата губляецца. Але затое яны – па-за канкурэнцыяй у смаку. Нават белыя ім прайграюць. Лагодна салодкія!

ЧЫТАЙЦЕ ЯШЧЭ

27 кастрычніка 2026 19:35

Евросоюз связывает защиту от жары с энергией

Для жителей Европы установка кондиционеров и охлаждение жилья стали необходимостью, а не роскошью. С начала 2026 года газ подорожал на 140%, а дизельное топливо…

10 ліпеня 2026 19:10

Новая абарончая стратэгія Польшчы: мільёны еўра на аднаўленне балот

Дзясяткі мільёнаў еўра да 2028 года ў Польшчы плануюць накіраваць на аднаўленне балот і тарфянікаў. Яны павінны не толькі абараняць прыроду, але і ўмацоўваць бяспеку, зніжаць рызыку пажараў і ствараць…

13 лістапада 2023 13:17

«Сам себе КПСС». Какие политические партии останутся в Беларуси при Лукашенко?

“Мы не воссоздаем КПСС, не строим партию власти”, — заявил Александр Лукашенко на встрече с руководителями политических партий 10 ноября. Президентскую же форму правления в Беларуси, по его словам, люди…

31 кастрычніка 2023 12:14

Зачем будущей Беларуси нужно устойчивое развитие и при чем здесь экология?

Активисты гражданского общества, а также беларусские и европейские эксперты в сфере экологии объявили о создании новой структуры — альянса «Зеленая Беларусь».