Вінаватая, што нарадзілася сучкай

Вінаватая, што нарадзілася сучкай

19:39 08 лютага 2018 ·
Стаяла лета на пачатку ліпеня, але дзень быў халодным, як ніколі, сапсаваны нудным і надакучлівым дажджом. Маленькае, кволае, бездапаможнае шчаня, сядзела акурат пасярод неглыбокай лужыны, але ўсё роўна вада даставала небарацы да самай шыйкі.

Вылазіць з вады малое чамусьці не жадала, хоць і калацілася ад холаду, а можа ўжо і сіл не было вылазіць. Міма праляталі машыны, але нікому не было справы да маленькага рыжага клубочка. Які лёс чакаў бы шчанюка – не вядома, але адзін вадзіцель усё ж прыпыніўся і забраў малое да сябе ў машыну, крыху пагрэцца…

Я добра памятаю той дзень, калі мой, на той момант будучы муж, патэлефанаваў мне і з надзеяй у голасе  запытаў: «Вам жа патрэбны сабака ў вёску?» Сабака і сапраўды быў нам патрэбны, бо ўжо колькі часу двор быў без вартаўніка. Ды і мама ідэю падтрымала.

Падвячоркам таго ж  дня, я ўжо прывязла шчанятка ў вёску. Мама ўзрадавалася, але  ж радасць была не доўгай: роўна да той пары, пакуль яна не паглядзела шчаняці (прабачце) пад хвост. «Дык гэта ж сучка, – разчаравана вынесла вердыкт мама, – навошта яна мне, шчанюкоў навядзе, куды я іх падзену, табе галава не будзе балець, а мне думай, дзе іх прыстроіць. Ды і сабакі будуць да яе гойсаць, вуглы пазначаць. Не хочу сучку. Назад забірай!»

Я гнеўна зіркнула на маму і моцна закрыўдавала: «Бач ты на яе, бессардэчная» – падумала я.  Але надзея цеплілася, трэба было крыху пачакаць, бо я ведала, што маму хутка “адпусціць”. Пакуль вырашаўся лёс малой, тая на кароценькіх ножках бегала па надворку і спрабавала пазнаёміцца з катом, які, як і гаспадыня, не надта быў рады знаёмству і адбіваўся ад надакучлівай госці лапай.

-«Ну, супакойся, Чарныш, не чапай яе, – прыкрыкнула мама, – а ты чаго да яго лезеш, ты паглядзі, якая упартая!» У голасе мамы пачуліся мяккія ноткі і  я зразумела, што трэба дзейнічаць. -«Мамачка, любая, калі ласка, вазьмі да сябе сучачку. Давай назавем яе Алісай. Паглядзі, якая прыгожанькая яна. Відаць, добрая ахоўніца з яе атрымаецца. А шчанятам гаспадароў будзем разам шукаць. Ну мамууляяя» – енчыла я. Пасля нядоўгіх угавароў, мама дала згоду: «Ну хай сабе і пабудзе. Шкада ж…» Так маленькая Аліса стала вясковай жыхаркай.

З той пары прайшло тры гады. Зарэкамендавала Аліса сябе адказнай сучкай. Як быццам, памятала з дзяцінства, тыя настаўленні гаспадыні. Сабак мужчынскага полу Аліса любіць не надта, ды і тыя стрыманую  асобу не ахвотна наведваюць, бо яна, як што, дык  і зубы можа паказаць. Ашчанілася Аліса за ўвесь час толькі два разы, шчанят нарадзілася нямнога і для іх хутка знайшліся гаспадары. Мама на сваю сучку не нарадуецца: «Бач,  якая разумная, не гуляшчая»

Ды і з катом пасябравала Аліса, у будзе адной спяць разам. Праўда, у свабодзе крыху Аліса абмежавана, бо падкая да курэй суседскіх, таму і на прывязі, але ноччу бегае па волі. Дом ахоўвае выдатна, дзень і ноч заліваецца, як званочак. А як Аліса танцуе, калі мой муж наведваецца ў госці да цешчы: на задніх лапах можа паўдня праскакаць, пакуль той не паедзе. Як быццам памятае свайго выратавальніка, а можа і на сам рэч памятае, хто яго ведае.

 

ЧЫТАЙЦЕ ЯШЧЭ

18 лістапада 2026 01:20

Как читать сайты в Беларуси, если они не открываются: Psiphon, VPN и Tor

Сайт «Першы Рэгіён» заблокирован в Беларуси, но читать нас можно. Рассказываем, как открыть 1reg.pro через Psiphon, VPN и Tor за пару минут и как делать это безопасно.

22 кастрычніка 2026 10:26

Снимаете на видео – получите штраф? Как пугают законом, забывая рассказать о правах

Одно из издание недавно разразилось страшилкой про штраф аж до 9 тысяч рублей за видеосъёмку конфликтов. Из него некоторые сделают выводы, что когда гражданин достал телефон и начинает снимать, то это уже нарушение. Госсми выносит в заголовок максимальное наказание, а юридические исключения прячут в подробностях. Между тем закон не устанавливает общего запрета на съёмку и запись разговоров.

10 кастрычніка 2026 17:26

Защита личных данных на государственном сервисе “Обращения.бел” оказалась пшиком?

Доверили государству свои жалобы, а их теперь читают посторонние? «Обращения.бел: сервис, которому доверяют», гордо рекламировало Министерство связи. Через систему подано более 1,7 миллиона обращений, а…

01 ліпеня 2026 20:02

Памілаванне па-беларуску – без дакументаў і адказаў

1 ліпеня 2026 года – 32 чалавекі на свабодзе! Для родных галоўнае - што іх родны чалавек выйшаў з-за кратаў. Але для грамадства і журналістаў яшчэ адно важнае пытанне: ці сапраўды гэта памілаванне паводле закона, ці проста палітычнае вызваленне? Згодна заканадаўства, не для ўсіх гэта можна заваць памілаваннем. Прачытаўшы гэты артыкул, вы даведаецеся чаму.