Нядзеля22 лістапада
+2°Брэст · заўтра +1…+2°
$2,9943€3,291310 zł7,4496Курс НБРБ
Скандал: у Бярозаўскім раёне на выбарах у сельсавет перамог «супраць усіх»?

Скандал: у Бярозаўскім раёне на выбарах у сельсавет перамог «супраць усіх»?

20:53 24 лютага 2018 ·
1
Сябра камісіі і назіральнік заяўляюць, што па адной з акругаў у Першамайскім сельсавеце Бярозаўскага раёну выбары не адбыліся. Паводле папярэдніх звестак ЦВК, дэпутат не абраны ў адной акрузе з 18 111. Вядома, што выбары не адбыліся ў Савецкай акрузе № 3 ў Ельску, дзе кандыдата арыштавалі. Бярозаўская ж раённая выбарчая камісія каментароў не дае.

Сябра Першамайскай выбарчай камісіі Бярозаўскага раёну Аляксандр Кенда распавёў журналістам, што па Кабакоўскай выбарчай акрузе № 11 большасць выбаршчыкаў прагаласавалі «супраць усіх». Тут балатаваўся безальтэрнатыўна кандыдат Дзмітрый Гукін – былы ўчастковы, а цяпер юрыст сельскагаспадарчай арганізацыі “Бярозаўскае”. Як вынікае са здымка пратаколу, які падпісалі сябры камісіі пасля падліку галасоў, у згаданай акрузе ўзялі ўдзел у выбарах 95 чалавек. З іх 50 прагаласавалі супраць Дзмітрыя Гукіна, і толькі 39 — за.

Сябра камісіі Аляксандр Кенда кажа, што ў такой невялікай колькасці бюлетэняў камісія памыліцца не магла.

«Апроч таго, незалежны назіральнік Сяржук Русецкі бачыў увесь падлік. Калі б у камісіі нейкая памылка была, то ён бы мог заўважыць. Усё было настолькі добра і празрыста, што гэты ўчастак па праву мог бы лічыцца самым дэмакратычным за апошнія 20 год — назіральніка дапусцілі да самага стала, стаяў на падліку побач з сябрамі камісіі», — кажа Аляксандр Кенда.

Назіральнік Сяржук Русецкі сказаў, што рыхтуе скаргу ў ЦВК на заяву, нібыта дэпутаты ва ўсіх акругах абраныя.

«Згодна з Выбарчым кодэксам дэпутат не з’яўляецца абраным і павінны быць перавыбары. Рыхтую скаргу на паведамленне на сайце ЦВК, што абраныя дэпутаты ўсіх саветаў. Як жа гэта чалавек можа быць абраны, калі згодна з пратаколам ён не набраў неабходнай колькасці галасоў? Кандыдат павінен быў набраць больш за 50% галасоў выбарцаў, калі ідзе безальтэрнатыўна, але гэтага ж не адбылося», — кажа назіральнік.

Назіральнік Сяржук Русецкі каля выбарчага ўчастка ў Кабаках
Назіральнік Сяржук Русецкі каля выбарчага ўчастка ў Кабаках

Афіцыйнай заявы праабранне дэпутатам Дзмітрыя Гукіна яшчэ не было.

Каб атрымаць афіцыйны каментар, ці адбыліся выбары па Кабакоўскай акрузе № 11, журналісты звярнуліся ў Бярозаўскую раённую выбарчую камісію. Аднак намеснік старшыні камісіі Аляксандр Крагель адмовіўся даваць каментары праз тэлефон, прапанаваўшы або прыехаць, або даслаць пісьмовы запыт.

У гэты ж Першамайскі сельсавет Бярозаўскага раёну на другі тэрмін пераабраны дэпутатам актывіст аргкамітэту па стварэньні партыі БХД Валер Білібуха.


Паводле ўласнай інфармацыі “Першага Рэгіёну” Дзмітрый Гукін, меркавана, усё ж будзе дэпутатам. Падрабязнасці паведамім.

  1. Вован в 10:48

    Крагель- фу!!! Позорник. Гнать таких в шею поганой метлой. Трусливый прислужник. В министерствах отвечают по телефону, а тут какой-то клерк поклона требует личного.

Каментаванне закрытае.

ЧЫТАЙЦЕ ЯШЧЭ

08 лістапада 2026 14:38

Еўропа хоча гаварыць з Расіяй. Але палітолаг забыў удакладніць, пра што менавіта

Асобныя дыпламатычныя ініцыятывы еўрапейскіх лідараў ужо падаюць як змену стаўлення Еўропы да Расіі. Палітолаг Дзяніс Дзянісаў тлумачыць гэта празрэннем еўрапейскіх палітыкаў, якія нібыта ўсвядомілі…

08 лістапада 2026 13:33

Бітва за сякеру Лукашэнкі

Пішучая брація дзяржСМІ змагаецца за бясцэнны прыз — працоўную сякеру Аляксандра Лукашэнкі з яго асабістым аўтографам. Дзеля такой узнагароды работнікі дзяржаўных СМІ змянілі пёры…

08 лістапада 2026 01:01

Ад Ліберыі да Кітая праз Якуба Коласа. Як тлумачаць, чаму ў Беларусі не патрэбныя палітычныя партыі

Спачатку нам распавядаюць, што заходнія выбары купляюць мільянеры, потым абвяшчаюць кітайскіх камуністаў узорам сумленнасці, а ў фінале высвятляецца, што самім беларусам дастаткова моцнага прэзідэнта…

02 лістапада 2026 18:28

Медыягігіена па-беларуску. Як фільтраваць інфармацыйны шум і заставацца пры здаровым розуме

Як не патануць у навінах, захаваць здаровы сэнс і не падставіцца — практычны дапаможнік па медыягігіене ў Беларусі.