Нядзеля22 лістапада
+3°Брэст · заўтра +1…+2°
$2,9943€3,291310 zł7,4496Курс НБРБ
У Брэсце камунальнікі нарыхтоўваюць сена для перагною і венікі-драчы для дворнікаў

У Брэсце камунальнікі нарыхтоўваюць сена для перагною і венікі-драчы для дворнікаў

12:56 09 чэрвеня 2021 ·
З перагною хутчэй за ўсё мае плён брыгада па дагляду могілак, з венікаў бюджэт гэтай дзяржаўнай установы і самі дворнікі, якія маюць прыемнасць карыстацца інструментам з прыроднага матэрыялу – бярозавых лапак.

Прыйшло цёплае лета, травастой даспеў для касьбы, і супрацоўнікі камунальнай гаспадаркі абласнога цэнтра не спудлавалі. Сена нагрузілі цэлы “МАЗ”. У пярэднім правым кутку кузава прытулілася ладная вязанка венікаў з цярэбленых галінак бярозы. Работнік, які закідваў сена віламі і трамбаваў, патлумачыў: гэта яго венікі.

На падборцы сена

“Сказалі мне, то вяжу. З бярозавых лапак. Дворнікам нашым”. Пра план на венікі я чамусьці пасаромеўся пацікавіцца, спытаў, куды сена. На выкід, сказаў хлапчына.

Кіроўца, мужчына больш сталага веку,  не пагадзіўся. “Ды не. Возім на Плоску. Складзіруем там, і яно перагнівае. На падкормку потым бяруць.” Спытаў, ці могуць гэта быць магільшчыкі, брыгада, якая сочыць за парадкам. Кіроўцу такая версія не спадабалася, але сам ён дакладна не ведаў. “Каму трэба, тыя і бяруць”.

Каму там, на Плосцы, такое трэба, акрамя жанчын, якія сочаць за аздобай ды кветкамі (ёсьць такая брыгада, даглядае ўсе могілкі, якія на гарадскім балансе). Плоска гэта і ёсць самыя вялікія брэсцкія могілкі. Закрылі іх нядаўна, хаваюць за горадам, на Паўночных могілках, а на Плоску возяць тых, у каго бронь, і асабліва заслужаных – ёсць там такі сектар асабліва роўных сярод роўных.

Венікі-драчы для дворнікаў

Што да венікаў, то для такіх, як нарабіў хлапчына-камунальнік, ёсць ёмістае беларускае слова “драч”. Выдзірае ўсё смецце дазвання. І што з таго, што чалавек з такім інструментам выглядае як сто, а мо і дзвесце гадоў таму. Ці трыста? Асабліва калі ў двары стаіць прыбіральня тыпу “выграбная яма” (ёсць яшчэ такія ў цэнтры Брэста). Гармонія – да яе ж імкнемся.

І хіба не гарманіруе нумар гэтага крыху іржавага (угледзьцеся ў фота) самазвала са звыклым дзяржаўным сцяжком у левым верхнім, тэрміналогіяй футбалістаў кажучы, кутку з парай такіх сама чэ-зікаў у кабіне?

Праўда, я аддаў бы сена якім-небудзь траваедным жывёлам. Або прадаў бы. А венікі… Не ведаю. Надта турыстаў адпужаць можна. Ці прывабіць?

А як вы думаеце?

ЧЫТАЙЦЕ ЯШЧЭ

21 кастрычніка 2026 17:35

Люди пришли с жалобами – власть объявила это доверием

В Червенском районе люди годами мёрзнут в квартирах, жалуются на плохие дороги, перебои с электричеством и отсутствие нормальной мобильной связи. После приёма у председателя…

16 верасня 2026 12:31

Кто больше накрутил, тот и победил в «народном голосовании» ЖКХ

«Народное голосование» Министерства ЖКХ закончилось красиво. Победителем по итогам Telegram-опроса стало КУП «Жодинский водоканал» с 47 390 голосами и 56%. И именно на финише счётчик этой организации совершил такой рывок,…

15 верасня 2026 13:24

Жодино против Витебска: странная битва водоканалов за «народный выбор»

На Telegram-канале Министерства ЖКХ 15 сентября 2026 года завершается голосование за «Народный выбор» среди водоканалов Беларуси. И всё было бы мило и по-коммунальному, если бы «народ» не голосовал со скоростью,…

06 лістапада 2023 20:01

Новый «сюрприз» для тех, кто уехал из Беларуси и попал в базу «тунеядцев»

Беларусам, которые уехали из страны более чем на 30 дней и попали в базу «тунеядцев», могут повысить коммунальные платежи задним числом. Об этом говорится в новом постановлении правительства, которое вступило…